Read Patamona 1 John 5 Bible Online

1 John 5 - Patamona bible

1 John 5

¹Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

²Sàlà kasaichi màlà Katù munkà yamùk pùnùnma'nokon ittu. Katù pùnùnma molopai suwa ekkà tetok ya maimu yawàlà we'nà'nokon winà ittu màlà.

³Masapùla sàlà màlà Katù pùnùnmatok yekamanài suwa ekkà tetok ya yawàlà we'nà'nokon, molopai enupantok ya yamùk wechi sa'man pe kulu kùpona'nokon pen màlà.

⁴Masapùla tamù'nawolon kon Katù munkà wechi wolù yeselu yentaikannan yek pe. Sàlà kasaichi màlà wolù yentaika'nokon: ailon tetok kùuya'nokon ke.

⁵Ànùk uya ken wolù yeselu yentaika? Mùkkàlà neken ailon tawon Jesus wechi Katù Mumu pe pàk uya yentaika màlà.

⁶Jesus Christ mùkkàlà iyàssak lùppù, tùusenpataukatok tunakwa molopai tùwelittok mùnù pokonpe. Iyàpùppù màlà tuna pokonpe neken pùla, tùse asakklàma tuna molopai mùn tukaik. Molopai Wakù Akkwalù uya tùmàlà pe yekamappù masapùla Akkwalù màlà ailon.

⁷Masapùla pùsamlo àsolùwawon kon mùyamlo yekamannan.

⁸Wakù Akkwalù, tuna, molopai mùn tawonnan; molopai tamù'nawàlà àsolùwawon kon mùkyamlo tewinan ichenumenkatok.

⁹Ailon tawonnan kùmyamlo kappon yamùk nekama pàk, tùse Katù nekama màlà meluntàiwa ailon tetoppe eke peiwa inekama pàk molopai sàlàichi màlà inekamappù Tùmu pàk.

¹⁰Màlàpàk ànù'là ailon tawon Katù Mumu pàk wechi yekamatok tùuya yesappe tewan yau màlà, tùse ànù'là ailon tawon pen Katù pàk uya, kasei pe ikussak màlà, masapùla Katù uselupatok Tùmu pàk pàk ailon tesak ya pùla iwechipàk.

¹¹Sàlàichi màlà yekamatok: Katù uya lepannàsak kù'nokon màlà tàwàlàlà wema'nàtok ke, molopai sàlà wema'nàtok màlà kùponalok kon Imu Jesus yau.

¹²Ànù'là Katù Mumu yesak wechi màlà wema'nàtok yesappe; molopai ànù'là Katù Mumu yesak pen wechi màlà wema'nàtok yesappe pùla.

¹³Emenuka kon uya sàlà tàwàlàlà wema'nàtok yesappe ewechi kon ittu kon pa. Amyamlo ailon nùkayai'nannùk Katù Mumu yesek pàk.

¹⁴Sàlà kasaichi iwechi pàk meluntà pe we'nàtok Katù yemloto po yesappe we'nà'nokon màlà. Ittu'nokon kulu man kùyeta kon ya yà'làlà yenna tùpàk teselu yawàlà yau.

¹⁵Kùyeta kon ya màlà yà'là yattai là yekamappo kùuya'nokon yau; ailon pe sàlà wechi ittu man, molopai ittu'nokon nàlà man kùlepa kon ya kùnennapù kon ke.

¹⁶Ànù'là uya tùtonpa wemakuima weli'nàtok yak anài pen pàk yene yau, tàwà nàpùlemai ipona molopai Katù uya màlà wema'nàtok ke ilepa. Mùkyamlo weli'nàtok yak anài pe pùla tùwemakuimasan pàk wate uya nai'nùk. Tùse molo man àli kuttok weli'nàtok yak anài, molopai, “Màpùlematàik màlà pàk,” te uya pùla man.

¹⁷Tamù'nawolon iwalai pen tùkussan màlà makui, tùse molo man makui weli'nàtok yak anài pen.

¹⁸Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

¹⁹Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

²⁰Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

²¹Umunkà yamùk, mùkyamlo ailon pen, katù tukaik tesassan tùse Katù pen winàpai ettàk kon!