Read Patamona 3 John 1 Bible Online

3 John 1 - Patamona bible

3 John 1

¹Sàlà màlà kaleta Iulà amoko, John nùmenukappù, Gaius u'nùn kulu piyak.

²Uwechi yakon, wàpàlemayaik tamù'nawolon wettoppe wakù pe molopai e'nek pùla ewechi pa, wakù pe là ewechi ayakkwalù yau kasa.

³Utauchinpatai kulu ailon tawonnan Katù pàk tonpa yamùk welepansak pàk, molopai ailon pe ewechi yekamasak tok uya pàk, tàwàlà ailon pe ewemapù yekamasak tok uya pàk molopai màlà kasa tùwemassen pe ewechi pàk.

⁴Yà'làlà uyauchinpanài woton pùla iwechi màlà Christ winàkàik unpùikattàssan wemapù ailon yau pàk utauchinpa yentaino.

⁵Uwechi yakon kulu, ailon pe kulu messaik màlà wotoko ànkupù yau, mùkyamlo tonpa wannà yamùk pàk kakklan yamùk pe lànen tok wechi tùse, pena tok yensak auya pùla lànen tùse.

⁶Pùnùnman auya yekale yekamasak tok uya man talonnà sochi tawon kon pàk. Te'ma kon tawàichi tok wechi yàwà tok ipuikattàkà. Katù yauchinpanài pe neken.

⁷Masapùla tok wepyattàsak man Christ wotokoyi yau, ailon tawonnan pen winàpai tùwepùikattàtok kon tepose pùla.

⁸Kùmyamlo nen uchi, Jesus pàk ailon tawonnan pùsamlo kappon yamùk pùikattài, tamùkke tùwepùikattàik we'wotokoman toppe, ailon itekale yau.

⁹Tokkwen kaleta tùmenukatai sochi tawon kon piyak, tùse Diotrephes, tok yesappe eppai tùwessen, wechi uselupa enetapai pùla màlà.

¹⁰Uyàssak yau nen uchi, màlà tamù'nawolon àli pe ichelupappù kùwinàkài'nokon yekama uya ipàk: tamù'nawolon kasei pe ichelupappù yekama uya màlà. Tùse màlà neken pen, ailon tawonnan Katù pàk tonpa wannà yamùk yanùmù ya pùla iwechi màlà tok uyàssak yau, molopai nàlà mùkyamlo ananùnpai nokon yeleutanùpù ya. Tok yenpakkaiche tùwessen mùkkàlà sochi tapai.

¹¹Uwechi yakon kulu, àli pe nai'nùk kasa kechii, tùse wakù pe nai'nùk kasa ekkà. Ànù'là wakù ku'nài wechi màlà Katù ponaloppe; molopai ànù'là àli ku'nài uya Katù yensak pùla man.

¹²Tamù'nawolon kon mùkyamlo Demetrius pàk tùselupassan wakù pe, masapùla ailon pe kulu iwechi pàk. Molopai ina nàlà ailon mùkkàlà nùkayan; molopai ina nùselupayai'nùk wechi ailon pe mùttuyaik.

¹³Tukke unekama molo man àpàk, tùse ànkuppai pùla wessaik kaleta pàk.

¹⁴Enpen wessaik, eyene uya màlà sàlà pe'ne là molopai uselupan màlà kùyiwalà àpokonpe neken.

¹⁵Tàwà wakù pe echitonpa pe we'nàtok apyau nechii. Tamù'nawolon kon ewechi yakon non: “Wakù pe na' mesan?” nùkayan. Molopai tamù'nawolon kon ina wechi yakonnon pàk, “Wakù pe na' messatàu?” kakkà àmàlà pe ina ponaloppe.