Read Pennsylvania German 1. Mosi 5 Bible Online

1. Mosi 5 - Pennsylvania German bible

1. Mosi 5

¹Dess is es buch veyyich di nohch-kummashaft fumm Adam. Im dawk vo Gott da mensh kshaffa hott, hott eah een gmacht im gleichnis funn Gott.

²Eah hott en mann un en veibsmensh kshaffa, hott si ksaykend, un hott si mensh kaysa im dawk vo si kshaffa voahra.

³Vo da Adam en hunnaht un dreisich yoah ald voah hott eah en boo grikt in sei aykni gleichnis, grawt vi eah selvaht voah, un hott een Seth kaysa.

⁴Noch demm es da Seth geboahra voah hott da Adam nochamohl acht hunnaht yoah glaybt, un eah hott aw anri boova un mayt katt.

⁵Alles zammah hott da Adam nein hunnaht un dreisich yoah glaybt, un no es eah kshtauva.

⁶Da Seth voah en hunnaht un fimf yoah ald vo eah da faddah vadda is fumm Enos.

⁷Un da Seth hott acht hunnaht un sivva yoah glaybt noch demm es eah da faddah voah fumm Enos, un eah voah aw da faddah funn anri boova un mayt.

⁸Alles zammah hott da Seth nein hunnaht un zvelf yoah glaybt, no is eah kshtauva.

⁹Da Enos voah neintzich yoah ald vo eah da faddah is vadda fumm Kenon.

¹⁰Da Enos hott acht hunnaht un fuftzay yoah glaybt noch demm es eah da faddah is vadda fumm Kenon, un eah voah aw da faddah funn anri boova un mayt.

¹¹Alles zammah hott da Enos nein hunnaht un fimf yoah glaybt, no is eah kshtauva.

¹²Da Kenon voah sivvatzich yoah ald vo eah da faddah is vadda fumm Mahalaleel.

¹³Da Kenon hott acht hunnaht un fatzich yoah glaybt noch demm es eah da faddah is vadda fumm Mahalaleel, un eah voah aw da faddah funn anri boova un mayt.

¹⁴Alles zammah hott da Kenon nein hunnaht un zeyya yoah glaybt, no is eah kshtauva.

¹⁵Da Mahalaleel voah fimf un sechtzich vo eah da faddah is vadda fumm Jared.

¹⁶Da Mahalaleel hott acht hunnaht un dreisich yoah glaybt noch demm es eah da faddah is vadda fumm Jared, un eah voah aw da faddah funn anri boova un mayt.

¹⁷Alles zammah hott da Mahalaleel acht hunnaht un fimf un neintzich yoah glaybt, no is eah kshtauva.

¹⁸Da Jared voah en hunnaht un zvay un sechtzich yoah ald vo eah da faddah is vadda fumm Henoch.

¹⁹Un da Jared hott acht hunnaht yoah glaybt noch demm es eah da faddah is vadda fumm Henoch, un eah voah aw da faddah funn anri boova un mayt.

²⁰Alles zammah hott da Jared nein hunnaht un zvay un sechtzich yoah glaybt, no is eah kshtauva.

²¹Da Henoch voah fimf un sechtzich yoah ald vo eah da faddah is vadda fumm Methusalah.

²²Noch demm es eah da faddah is vadda fumm Methusalah, hott da Henoch en gettlich layva kfiaht un is gloffa mitt Gott fa drei hunnaht yoah, un eah voah aw da faddah funn anri boova un mayt.

²³Un alles zammah hott da Henoch drei hunnaht un fimf un sechtzich yoah glaybt.

²⁴Diveil es da Henoch am en gettlich layva fiahra voah un am lawfa voah mitt Gott, hott Gott een vekk gnumma, un eah voah nimmi ksenna.

²⁵Da Methusalah voah en hunnaht un sivva un achtzich yoah ald vo eah da faddah is vadda fumm Lamech.

²⁶Da Methusalah hott nochamohl sivva hunnaht un zvay un achtzich yoah glaybt noch demm es eah da faddah is vadda fumm Lamech, un eah voah aw da faddah funn anri boova un mayt.

²⁷Alles zammah hott da Methusalah nein hunnaht un neina sechtzich yoah glaybt, no is eah kshtauva.

²⁸Da Lamech voah en hunnaht un zvay un achtzich yoah ald vo eah da faddah is vadda fumma boo.

²⁹Eah hott een Noah kaysa un hott ksawt, “Deah zayld uns drohsht gevva in di eahvet funn unsah hend vo kumd deich da fluch es Gott uf da grund gedu hott.”

³⁰Da Lamech hott nochamohl fimf hunnaht un fimf un neintzich yoah glaybt noch demm es eah da faddah is vadda fumm Noah, un eah voah aw da faddah funn anri boova un mayt.

³¹Alles zammah hott da Lamech sivva hunnaht un sivvana sivvatzich yoah glaybt, no is eah kshtauva.

³²Da Noah voah fimf hunnaht yoah ald. Un eah is da faddah vadda fumm Shem, Ham un Japheth.