Read Pennsylvania German 1. Chronik 1 Bible Online

1. Chronik 1 - Pennsylvania German bible

1. Chronik 1

¹Adam, Seth, Enos,

²Kenan, Mahalaleel, Jared,

³Henoch, Methusalah, Lamech,

⁴Noah, Shem, Ham, Japheth.

⁵Di nayma fumm Japheth sei kinnah voahra dee: Gomer, Magog, Madai, Javan, Thubal, Mesech un Thiras.

⁶Di nayma fumm Gomer sei kinnah voahra: Askenas, Riphath un Thogarma.

⁷Di nayma fumm Javan sei kinnah voahra: Elisa, Tharsisa, Kittim un Dodanim.

⁸Di nayma fumm Ham sei kinnah voahra: Kuss, Mizraim, Put un Kanaan.

⁹Di nayma fumm Kuss sei kinnah voahra: Seba, Hevila, Sabtha, Ragma un Sabthecha. Di kinnah fumm Ragma voahra da Saba un da Dedan.

¹⁰Da Kuss voah da faddah fumm Nimrod, deah es en mechtichah greeks-gnecht voah uf di eaht.

¹¹Da Mizraim voah da faddah funn di Ludiddah, di Anamiddah, di Lehabiddah, di Naphthuhiddah,

¹²di Pathrusiddah, di Kasluhiddah (vo di Philishtah bei kumma) un di Kaphthoriddah.

¹³Da Kanaan voah da faddah fumm Sidon, sei eahsht-geboahranah, un fumm Heth.

¹⁴Da Kanaan voah aw da faddah funn dee leit: di Jebusiddah, di Amoriddah, di Girgasiddah,

¹⁵di Heffiddah, di Arkiddah, di Siniddah,

¹⁶di Arvadiddah, di Zemariddah un di Hamathiddah.

¹⁷Di nayma fumm Shem sei kinnah voahra: Elam, Assur, Arphachsad, Lud un Aram. Di kinnah fumm Aram voahra da Uz, da Hul, da Gether un da Mesech.

¹⁸Da Arphachsad voah da faddah fumm Salah, un da Salah voah da faddah fumm Eber.

¹⁹Zvay boova voahra geboahra zumm Eber. Da nohma fumm enda voah Peleg, veil di eaht fadayld voah in sei layves-zeit. Em Eber sei anra boo hott Joktan kaysa.

²⁰Da Joktan voah da faddah fumm Almodad, em Saleph, em Hazarmaveth, em Jarah,

²¹em Hadoram, em Usal, em Dikla,

²²em Obal, em Abimael, em Saba,

²³em Ophir, em Hevila un em Jobab. Awl dee voahra di nayma fumm Joktan sei kinnah.

²⁴Shem, Arphachsad, Salah,

²⁵Eber, Peleg, Regu,

²⁶Serug, Nahor, Tharah,

²⁷un Abram. (Sell is da Abraham.)

²⁸Em Abraham sei kinnah voahra da Isaac un da Ismael.

²⁹Dess sinn iahra nohch-kummashaft: Da Nebajoth voah em Ismael sei eahsht-geboahranah; no voah da Kedar, da Adbeel, da Mibsam,

³⁰da Misma, da Duma, da Massa, da Hadad, da Thema,

³¹da Jetur, da Naphis un da Kedma. Dess voahra em Ismael sei kinnah.

³²Dee kinnah voahra geboahra zu di Ketura, em Abraham sei nayva-fraw. Iahra nayma voahra: Simran, Joksan, Medan, Midian, Jesbak un Suah. Di kinnah fumm Joksan voahra da Saba un da Dedan.

³³Di nayma fumm Midian sei kinnah voahra: Epha, Epher, Hanoch, Abida un Eldaa. Dess voah awl di nohch-kummashaft funn di Ketura.

³⁴Da Abraham voah da faddah fumm Isaac. Di boova fumm Isaac voahra da Esau un da Israel.

³⁵Di nayma fumm Esau sei kinnah voahra: Eliphas, Reguel, Jeus, Jaelam un Korah.

³⁶Di nayma fumm Eliphas sei kinnah voahra: Theman, Omar, Zephi, Gaetham, Kenas, Thimna un Amalek.

³⁷Di nayma fumm Reguel sei kinnah voahra: Nahath, Serah, Samma un Missa.

³⁸Di nayma fumm Seir sei kinnah voahra: Lotan, Sobal, Zibeon, Ana, Dison, Ezer un Disan.

³⁹Di nayma fumm Lotan sei kinnah voahra: Hori un Homam. Di Thimna voah em Lotan sei shveshtah.

⁴⁰Di nayma fumm Sobal sei kinnah voahra: Aljan, Manahath, Ebal, Sephi, un Onam. Di kinnah fumm Zibeon voahra da Aja un da Ana.

⁴¹Em Ana sei boo voah da Dison. Di nayma fumm Dison sei kinnah voahra: Hamran, Esban, Jethran un Cheran.

⁴²Di nayma fumm Ezer sei kinnah voahra: Bilhan, Saavan un Jaakan. Em Disan sei kinnah voahra da Uz un da Aran.

⁴³Dess voahra di kaynicha es iahra reich katt henn in Edom eb Israel ennichi kaynicha katt hott: da Bela, em Beor sei boo voah kaynich un sei shtatt voah Dinhaba.

⁴⁴Vo da Bela kshtauva is, is da Jobab, em Serah sei boo funn Bozra, kaynich vadda an seim blatz.

⁴⁵Vo da Jobab kshtauva is, is da Husam funn di Themaniddah iahra land kaynich vadda an seim blatz.

⁴⁶Vo da Husam kshtauva is, is em Bedad sei boo, da Hadad kaynich vadda. Eah is di Midianiddah ivvah-kumma im Moabiddah feld. Em Hadad sei shtatt voah Avith.

⁴⁷Vo da Hadad kshtauva is, is da Samla funn Masrek kaynich vadda an seim blatz.

⁴⁸Vo da Samla kshtauva is, is da Saul funn di shtatt Rehoboth am revvah nohch, kaynich vadda an seim blatz.

⁴⁹Vo da Saul kshtauva is, is em Achbor sei boo da Baal-Hanan kaynich vadda an seim blatz.

⁵⁰Vo da Baal-Hanan kshtauva is, is da Hadad kaynich vadda. Eah voah funn di shtatt Pagi, un sei fraw iahra nohma voah Mehetabeel, di Matred iahra maydel. Un di Matred voah di Mesahab iahra maydel.

⁵¹No is da Hadad aw kshtauva. Nau di evvahshti funn Edom iahra nayma voahra: Thimna, Alva, Jetheth,

⁵²Oholibama, Ela, Pinon,

⁵³Kenas, Theman, Mibzar,

⁵⁴Magdiel un Iram. Dess voahra di evvahshti funn Edom.