Read Pennsylvania German 1. Chronik 2 Bible Online

1. Chronik 2 - Pennsylvania German bible

1. Chronik 2

¹Dess voahra di nayma fumm Israel sei boova: Ruben, Simeon, Levi, Juda, Isachar, Sebulon,

²Dan, Joseph, Benjamin, Naphthali, Gad un Asser.

³Em Juda sei boova voahra da Ger, da Onan un da Sela. Dee drei voahra geboahra zu eem bei en Kanaaniddah fraw es em Sua sei maydel voah. Da Ger, em Juda sei eahsht-geboahranah voah gottlohs fannich em HAH, so hott da HAH een umgebrocht.

⁴Di Thamar, em Juda sei shviah-dochtah, hott da Perez un da Serah katt bei eem. Alles zammah hott da Juda fimf boova katt.

⁵Em Perez sei boova voahra da Hezron un da Hamul.

⁶Di nayma fumm Serah sei boova voahra: Simri, Ethan, Heman, Chalkol un Dara—fimfa alles zammah.

⁷Em Charmi sei boo voah da Achan, deah es Israel druvvel gmacht hott bei fabodda shtoft nemma.

⁸Em Ethan sei boo voah da Asaria.

⁹Em Hezron sei boova voahra da Jerahmeel, da Ram un da Chalubai.

¹⁰Em Ram sei boo voah da Amminadab, un em Amminadab sei boo voah da Nahesson, deah es da evvahsht voah funn di leit funn Juda.

¹¹Em Nahesson sei boo voah da Salma, un em Salma sei boo voah da Boas.

¹²Em Boas sei boo voah da Obed, un em Obed sei boo voah da Jesse.

¹³Em Jesse sei eahsht-geboahranah voah da Eliab; da zvett voah da Abinadab; da dritt voah da Simea;

¹⁴da fiaht voah da Nathanael; da fimft voah da Raddai;

¹⁵da sext voah da Ozem un da sivvet voah da Dawfit.

¹⁶Dee boova iahra shveshtahra voahra di Zeruia un di Abigail. Di Zeruia iahra drei boova voahra da Abisai, da Joab un da Asahel.

¹⁷Di Abigail iahra boo voah da Amasa, un sei daett voah da Jether, en Ismaeliddah.

¹⁸Da Kaleb, em Hezron sei boo, hott kinnah katt bei sei fraw di Asuba, un bei di Jerigoth. Dess sinn di nayma funn di Asuba iahra kinnah: Jeser, Sobab un Ardon.

¹⁹Vo di Asuba kshtauva is, hott da Kaleb di Ephrath keiyaht, un eah hott da Hur katt bei iahra.

²⁰Da Hur voah em Uri sei daett, un da Uri voah em Bezaleel sei datt.

²¹Shpaydah hott da Hezron kshlohfa mitt em Machir sei maydel. Eah hott see keiyaht katt vo eah sechtzich yoah ald voah. See hott eem da Segub geboahra. Da Machir voah da faddah fumm Gilead.

²²Em Segub sei boo voah da Jair es ivvah drei un zvansich shtett voah in Gilead.

²³Avvah da Gessur un da Aram henn di shtatt Jair ivvah-gnumma, un aw Kenath mitt sechtzich anri shtetlen drumm rumm. Dee voahra awl funn di nohch-kummashaft fumm Machir, es da faddah fumm Gilead voah.

²⁴Noch demm es da Hezron kshtauva voah in Kaleb-Ephratha, hott em Hezron sei fraw, di Abia, em Hezron sei kind da Assur katt. Da Assur voah da faddah funn Thekoa.

²⁵Dess sinn di kinnah fumm Jerahmeel, em Hezron sei eahsht-geboahranah: Iahra nayma voahra Ram, da eahsht-geboahra, Buna, Oren, Ozem un Ahia.

²⁶Da Jerahmeel hott noch en fraw katt. Iahra nohma voah Atara, un see voah em Onam sei maemm.

²⁷Em Jerahmeel sei eahshtah boo, da Ram, hott dee kinnah katt: da Maag, da Jamin un da Eker.

²⁸Em Onam sei boova voahra da Sammai un da Jada. Em Sammai sei boova voahra da Nadab un da Abisur.

²⁹Em Abisur sei fraw voah di Abihail, un eah hott da Achban un da Molid katt bei iahra.

³⁰Em Nadab sei boova voahra da Seled un da Appaim. Da Seled is kshtauva unni kinnah.

³¹Em Appaim sei boo voah da Jesei, un sei boo voah da Sesan. Em Sesan sei boo voah da Ahelai.

³²Em Sammai sei broodah da Jadas voah da daett fumm Jether un em Jonathan. Da Jether is kshtauva unni kinnah.

³³Em Jonathan sei boova voahra da Peleth un da Sasa. Sell sinn fumm Jerahmeel sei nohch-kummashaft.

³⁴Da Sesan hott kenn boova katt, yusht mayt. Eah hott en Egyptah gnecht katt es Jarha kaysa hott.

³⁵Da Sesan hott sei maydel zu seim gnecht da Jarha gevva fa see heiyahra. See hott da Atthai katt bei eem.

³⁶Em Atthai sei boo voah da Nathan, un em Nathan sei boo voah da Sabad.

³⁷Em Sabad sei boo voah da Ephlal, un em Ephlal sei boo voah da Obed.

³⁸Em Obed sei boo voah da Jehu, un em Jehu sei boo voah da Asaria.

³⁹Em Asaria sei boo voah da Helez, un em Helez sei boo voah da Eleasa.

⁴⁰Em Eleasa sei boo voah da Sisemai, un em Sisemai sei boo voah da Sallum.

⁴¹Em Sallum sei boo voah da Jekamia, un em Jekamia sei boo voah da Elisama.

⁴²Da Kaleb voah em Jerahmeel sei broodah. Em Kaleb sei eahshtah boo voah da Mesa, un eah voah da faddah fumm Siph. Sei zveddah boo voah da Maresa, un eah voah da faddah fumm Hebron.

⁴³Di nayma fumm Hebron sei kinnah voahra: Korah, Thappuah, Rekem un Sama.

⁴⁴Em Sama sei boo voah da Raham, un em Raham sei boo voah da Jorkeam. Em Rekem sei boo voah da Sammai.

⁴⁵Em Sammai sei boo voah da Maon, un em Maon sei boo voah da Beth-Zur.

⁴⁶Em Kaleb sei nayva-fraw, di Epha, voah di maemm zumm Haran, Moza un em Gases. Da Haran voah em Gases sei daett.

⁴⁷Di nayma fumm Jahdai sei kinnah voahra: Regem, Jotham, Gesan, Pelet, Epha un Saaph.

⁴⁸Em Kaleb sei nayva-fraw, di Maacha, voah di maemm zumm Seber un em Thirhena.

⁴⁹Dee voahra aw geboahra zu iahra: da Saaph es da daett voah fumm Madmanna, da Seva es da daett voah zumm Machbena un em Gibea. Em Kaleb sei maydel voah di Achsa.

⁵⁰Dee voahra awl em Kaleb sei nohch-kummashaft. Da Hur voah da eldsht boo funn di Ephratha. Sei boo da Sobal voah da faddah fumm Kiriath-Jearim.

⁵¹Sei boo da Salma voah da faddah fumm Bethlehem, un sei boo da Hareph voah da faddah fumm Bethgader.

⁵²Da Sobal voah da faddah fumm Kiriath-Jearim un sei nohch-kummashaft voahra da Haroe, dihelft funn di Manahthiddah,

⁵³un di freindshafta funn Kiriath-Jearim—di Jethriddah, di Puthiddah, di Sumathiddah un di Misraiddah. Funn dee sinn di Zorathiddah un di Esthaoliddah kumma.

⁵⁴Di nohch-kummashaft fumm Salma voahra: Bethlehem, di Netophathiddah, Atharoth Beth Joab, dihelft funn di Manahthiddah, di Zoraiddah,

⁵⁵un di freindshaft funn di shreivah es an Jabez gvoond henn—di Thireathiddah, di Simeathiddah un di Suchathiddah. Dess sinn di Keniddah es fumm Hamath kumma sinn. Eah voah da faddah fumm haus fumm Rechab.