Read Pennsylvania German 1. Chronik 25 Bible Online

1. Chronik 25 - Pennsylvania German bible

1. Chronik 25

¹Da Dawfit mitt sei greeks-hauptmennah henn no mennah fumm Asaph, Heman un em Jedithun iahra families raus ksetzt fa broffetzeiya mitt grohsi un glenni harfa un mitt cymbals. Do sinn di nayma funn di mennah es deah deensht katt henn:

²Fumm Asaph sei boova voah's da Sakkur, da Joseph, da Nethania un da Asarela. Em Asaph sei boova henn kshaft unnich em Asaph, un eah hott gebroffetzeit unnich em kaynich.

³Fumm Jedithun sei boova voah's da Gedalia, da Sori, da Jesaia, da Hasabia, da Matthithia un da Simei—sexa alles zammah. Si henn kshaft unnich em Jedithun. Eah hott gebroffetzeit mitt di harf un hott da HAH glohbt un gedankt.

⁴Fumm Heman sei boova voah's da Bukkia, da Matthania, da Usiel, da Sebuel, da Jerimoth, da Hanania, da Hanani, da Eliatha, da Giddalthi, da Romamthi-Eser, da Josbekasa, da Mallothi, da Hothir un da Mahesioth.

⁵Dess voahra awl di boova fumm Heman, em Dawfit sei brofayt. Gott hott eem dee gevva vi eah fashprocha hott fa eem eah gevva. Gott hott em Heman fatzay boova un drei mayt gevva.

⁶Awl dee mennah henn kshaft unnich iahra feddah fa singa im haus fumm HAH mitt grohsi un glenni harfa un cymbals fa deena im haus funn Gott. Da Asaph, Jedithun un da Heman henn kshaft unnich em kaynich.

⁷Da nambah funn eena un iahra freindshaft es gland voahra un goot voahra am singa fa da HAH voah 288.

⁸Yung un ald, leahrah un shoolah, henn awl gezowwa im lohs fa iahra eahvet.

⁹Es eahsht lohs voah fa em Asaph sei shtamm un's is uf da Joseph kfalla. Es zvett lohs is uf da Gedalia kfalla, eah, sei boova un breedah voahra zvelfa,

¹⁰es dridda is uf da Sakkur kfalla, eah, sei boova un breedah voahra zvelfa,

¹¹es fiahda is uf da Jizri kfalla, eah, sei boova un breedah voahra zvelfa,

¹²es fimfda is uf da Nethania kfalla, eah, sei boova un breedah voahra zvelfa,

¹³es sexda is uf da Bukkia kfalla, eah, sei boova un breedah voahra zvelfa,

¹⁴es sivvada is uf da Jesarela kfalla, eah, sei boova un breedah voahra zvelfa,

¹⁵es achta is uf da Jesaia kfalla, eah, sei boova un breedah voahra zvelfa,

¹⁶es neinda is uf da Matthania kfalla, eah, sei boova un breedah voahra zvelfa,

¹⁷es zeyyada is uf da Semei kfalla, eah, sei boova un breedah voahra zvelfa,

¹⁸es elfta is uf da Asareel kfalla, eah, sei boova un breedah voahra zvelfa,

¹⁹es zvelfda is uf da Hasabia kfalla, eah, sei boova un breedah voahra zvelfa,

²⁰es dreitzayda is uf da Subael kfalla, eah, sei boova un breedah voahra zvelfa,

²¹es fatzayda is uf da Matthithia kfalla, eah, sei boova un breedah voahra zvelfa,

²²es fuftzayda is uf da Jeremoth kfalla, eah, sei boova un breedah voahra zvelfa,

²³es sechtzayda is uf da Hanania kfalla, eah, sei boova un breedah voahra zvelfa,

²⁴es sivvatzayda is uf da Josbekasa kfalla, eah, sei boova un breedah voahra zvelfa,

²⁵es achtzayda is uf da Hanani kfalla, eah, sei boova un breedah voahra zvelfa,

²⁶es neintzayda is uf da Mallothi kfalla, eah, sei boova un breedah voahra zvelfa,

²⁷es zvansishta is uf da Eliatha kfalla, eah, sei boova un breedah voahra zvelfa,

²⁸es ayna zvansishta is uf da Hothir kfalla, eah, sei boova un breedah voahra zvelfa,

²⁹es zvay un zvansishta is uf da Giddalthi kfalla, eah, sei boova un breedah voahra zvelfa,

³⁰es drei un zvansishta is uf da Mahesioth kfalla, eah, sei boova un breedah voahra zvelfa,

³¹es fiah un zvansishta is uf da Romamthi-Eser kfalla, eah, sei boova un breedah voahra zvelfa.