Read Pennsylvania German 1. Chronik 6 Bible Online

1. Chronik 6 - Pennsylvania German bible

1. Chronik 6

¹Em Levi sei boova voahra da Gerson, da Kahath un da Merari.

²Em Kahath sei boova voahra da Amram, da Jizhar, da Hebron un da Usiel.

³Em Amram sei kinnah voahra da Aaron, da Mosi un di Miriam. Em Aaron sei boova voahra da Nadab, da Abihu, da Eleasar un da Ithamar.

⁴Da Eleasar voah em Pinehas sei daett, un da Pinehas voah em Abisua sei daett.

⁵Da Abisua voah em Bukki sei daett, un da Bukki voah em Usi sei daett.

⁶Da Usi voah em Serahia sei daett, un da Serahia voah em Meraioth sei daett.

⁷Da Meraioth voah em Amaria sei daett, un da Amaria voah em Ahitob sei daett.

⁸Da Ahitob voah em Zadok sei daett, un da Zadok voah em Ahimaaz sei daett.

⁹Da Ahimaaz voah em Asaria sei daett, un da Asaria voah em Johanan sei daett.

¹⁰Da Johanan voah em Asaria sei daett. (Eah voah da preeshtah es gedeend hott im tempel es da Solomon gebaut hott in Jerusalem.)

¹¹Da Asaria voah em Amaria sei daett, un da Amaria voah em Ahitob sei daett.

¹²Da Ahitob voah em Zadok sei daett, un da Zadok voah em Sallum sei daett.

¹³Da Sallum voah em Hilkia sei daett, un da Hilkia voah em Asaria sei daett.

¹⁴Da Asaria voah em Seraia sei daett, un da Seraia voah em Jozadak sei daett.

¹⁵Da Jozadak voah vekk kfiaht mitt di kfangana vo da HAH Juda un Jerusalem vekk kfiaht hott beim Nebukadnezar.

¹⁶Em Levi sei boova voahra da Gerson, da Kahath un da Merari.

¹⁷Dess sinn di nayma fumm Gerson sei boova: Libni un Simei.

¹⁸Em Kahath sei boova voahra da Amram, da Jizhar, da Hebron un da Usiel.

¹⁹Em Merari sei boova voahra da Maheli un da Musi. Sell sinn di kshlechtah funn di Lefiddah bei iahra feddah.

²⁰Di nayma fumm Gerson sei nohch-kummashaft voahra: Libni, un sei boo voah da Jahath, un sei boo voah da Simma,

²¹un sei boo voah da Joah, un sei boo voah da Iddo, un sei boo voah da Serah, un sei boo voah da Jeathrai.

²²Em Kahath sei nohch-kummashaft voahra da Amminadab, un sei boo voah da Korah, un sei boo voah da Assir,

²³un sei boo voah da Elkana, un sei boo voah da Abiasaph, un sei boo voah da Assir,

²⁴un sei boo voah da Thahath, un sei boo voah da Uriel, un sei boo voah da Usia, un sei boo voah da Saul.

²⁵Da Elkana hott zvay boova katt, da Amasai un da Ahimoth.

²⁶Em Ahimoth sei boo voah da Elkana, un sei boo voah da Zoph, un sei boo voah da Nahath,

²⁷un sei boo voah da Eliab, un si boo voah da Jeroham, un sei boo voah da Elkana.

²⁸Em Samuel sei zvay boova voahra da Basni, da eahsht, un da Abia, da zvett.

²⁹Em Merari sei nohch-kummashaft voahra da Maheli, un sei boo voah da Libni, un sei boo voah da Simei, un sei boo voah da Usa,

³⁰un sei boo voah da Simea, un sei boo voah da Haggia, un sei boo voah da Asaia.

³¹Dess sinn selli es da Dawfit eiksetzt hott fa ivvah's singes sei im HAH sei haus noch demm es di Bundes-Lawt datt groot hott.

³²Un si henn gedeend bei singa fannich di lawt iahra voon-blatz es da fasamling-tent voah, biss da Solomon da tempel fumm HAH gebaut katt hott in Jerusalem. Si henn iahra deensht ausgedrawwa so vi's ausglaykt voah fa si.

³³Dess sinn selli es gedeend henn mitt iahra boova: funn di Kahathiddah voah's da Heman, da singah, es em Joel sei boo voah, es em Samuel sei boo voah,

³⁴es em Elkana sei boo voah, es em Jerobeam sei boo voah, es em Eliel sei boo voah, es em Thoah sei boo voah,

³⁵es em Zuph sei boo voah, es em Elkana sei boo voah, es em Mahath sei boo voah, es em Amasai sei boo voah,

³⁶es em Elkana sei boo voah, es em Joel sei boo voah, es em Asaria sei boo voah, es em Zephania sei boo voah,

³⁷es em Thahath sei boo voah, es em Assir sei boo voah, es em Abiasaph sei boo voah, es em Korah sei boo voah,

³⁸es em Jizhar sei boo voah, es em Kahath sei boo voah, es em Levi sei boo voah, es em Israel sei boo voah.

³⁹Em Heman sei helfah voah sei broodah da Asaph, es an sei rechtsi hand voah. Dess voah da Asaph es em Berech sei boo voah, es em Simea sei boo voah,

⁴⁰es em Michael sei boo voah, es em Baeseia sei boo voah, es em Malchia sei boo voah,

⁴¹es em Athni sei boo voah, es em Serah sei boo voah, es em Adaia sei boo voah,

⁴²es em Ethan sei boo voah, es em Simma sei boo voah, es em Simei sei boo voah,

⁴³es em Jahath sei boo voah, es em Gerson sei boo voah, un es em Levi sei boo voah.

⁴⁴Un uf sei lingsi hand voahra iahra freindshaft, em Merari sei kinnah; naymlich, da Ethan, em Kusi sei boo, es em Addi sei boo voah, es em Malluch sei boo voah,

⁴⁵es em Hasabia sei boo voah, es em Amazia sei boo voah, es em Hilkia sei boo voah,

⁴⁶es em Amzi sei boo voah, es em Bani sei boo voah, es em Semer sei boo voah,

⁴⁷es em Maheli sei boo voah, es em Musi sei boo voah, es em Merari sei boo voah, un es em Levi sei boo voah.

⁴⁸Iahra breedah, di Lefiddah, voahra da deensht gevva fa awl di eahvet du es zu du katt hott im vohnung, dess is, Gott sei haus.

⁴⁹Avvah da Aaron un sei boova voahra da deensht gevva fa opfahra macha uf em brand-opfah awldah un uf em insens-awldah mitt alles es zu du katt hott im Alli-Heilichshta-Blatz. Si henn fridda gmacht fa Israel mitt Gott, so vi da Mosi, Gott sei gnecht, gebodda katt hott.

⁵⁰Dess voahra di nayma fumm Aaron sei nohch-kummashaft: da Eleasar, un sei boo voah da Pinehas, un sei boo voah da Abisua,

⁵¹un sei boo voah da Bukki, un sei boo voah da Usi, un sei boo voah da Serahia,

⁵²un sei boo voah da Meraioth, un sei boo voah da Amaria, un sei boo voah da Ahitob,

⁵³un sei boo voah da Zadok un sei boo voah da Ahimaaz.

⁵⁴Dess voahra di voon-bletz in iahra lendah es gevva voahra zumm Aaron sei nohch-kummashaft es funn di Kahathiddah kshlecht voahra. Es eahsht lohs voah gezowwa fa si.

⁵⁵Hebron im land Juda voah gevva zu eena, un aw's vayt-land drumm rumm.

⁵⁶Avvah di feldah un shtetlen grawt um di shtatt rumm voahra gevva zumm Kaleb, em Jephunne sei boo.

⁵⁷So di frei-shtatt Hebron voah gevva zumm Aaron sei nohch-kummashaft, un aw Libna mitt iahra vayt-land, un Jatthir, un Esthemoa mitt iahra vayt-land,

⁵⁸Hilen, Debir,

⁵⁹Asan, un Beth-Semes mitt iahra vayt-lendah.

⁶⁰Funn di shtamm fumm Benjamin henn si dee shtett grikt: Geba, Alemeth, Anathoth mitt em vayt-land. So voahra's dreitzay shtett unnich iahra kshlechtah.

⁶¹Di ivvahricha fumm Kahath sei kinnah voahra zeyya shtett gevva deich's lohs funn di shtamma fumm Ephraim, Dan un di halb-shtamm fumm Manasse.

⁶²Em Gerson sei nohch-kummashaft, kshlecht bei kshlecht, hott dreitzay shtett grikt funn di shtamma fumm Isachar, Asser, Naphthali un em Manasse in Basan.

⁶³Em Merari sei nohch-kummashaft, kshlecht bei kshlecht, hott zvelf shtett grikt funn di shtamma fumm Ruben, Gad un em Sebulon.

⁶⁴So henn di Israeliddah selli shtett un iahra vayt-lendah gevva zu di Lefiddah.

⁶⁵Deich's lohs henn si di shtett es shund gnohmd sinn gevva aus di kshlechtah fumm Juda, Simeon un em Benjamin.

⁶⁶Dayl funn di Kahathiddah kshlechtah henn land un shtett grikt fumm Ephraim sei shtamm.

⁶⁷Aus em hivvel-land fumm Ephraim voahra si dee shtett gevva: di frei-shtatt Sichem, Geser,

⁶⁸Jokmeam, Beth-Horon,

⁶⁹Ajalon, un Gath-Rimmon mitt iahra vayt-lendah.

⁷⁰Un aus di halb-shtamm fumm Manasse henn di ivvahricha funn di Kahathiddah di shtett Aner un Bileam gevva, mitt iahra vayt-lendah.

⁷¹Di Gersoniddah henn dee shtett grikt: Aus di halb-shtamm fumm Manasse, Golan in Basan un Astharoth mitt iahra vayt-lendah.

⁷²Aus di shtamm fumm Isachar henn si dee shtett grikt: Kedes, Dabrath,

⁷³Ramoth un Anem mitt iahra vayt-lendah.

⁷⁴Aus di shtamm fumm Asser henn si dee shtett grikt: Masal, Abdon,

⁷⁵Hukok un Rehob mitt iahra vayt-lendah.

⁷⁶Aus di shtamm fumm Naphthali henn si dee shtett grikt: Kedes in Galilaya, Hammon un Kiriathaim mitt iahra vayt-lendah.

⁷⁷Di Merariddah, di ivvahricha Lefiddah, henn dee shtett grikt aus di shtamm fumm Sebulon: Rimono un Thabor mitt iahra vayt-lendah.

⁷⁸Aus di shtamm fumm Ruben ivvah'm Jordan Revvah, east funn Jericho, henn si dee shtett grikt: Bezer in di vildahnis, Jahza,

⁷⁹Kedemoth un Mephaath mitt iahra vayt-lendah.

⁸⁰Aus di shtamm fumm Gad henn si dee shtett grikt: Ramoth in Gilead, Mahanaim,

⁸¹Hesbon un Jaser mitt iahra vayt-lendah.