Read Pennsylvania German 1. Chronik 8 Bible Online

1. Chronik 8 - Pennsylvania German bible

1. Chronik 8

¹Da Benjamin voah da daett fumm Bela, sei eahshtah boo. Da Asbal voah sei zveddah, da Ahrah sei driddah,

²da Noha sei fiahdah, un da Rapha sei fimfdah.

³Di nayma fumm Bela sei boova voahra: Addar, Gera, Abihud,

⁴Abisua, Naeman, Ahoah,

⁵Gera, Sephuphan un Huram.

⁶Dee voahra di nohch-kummashaft fumm Ehud es evvahshti funn family-drubba voahra, un henn in Geba gvoond. Si voahra datt raus gyawkt un sinn zu Manahath gezowwa.

⁷Si voahra da Naeman, da Abia un da Gera. Da Gera voah em Usa un em Ahihud iahra daett, un's voah een es si noch Manahath kfiaht hott.

⁸Da Saharaim hott kinnah katt in Moab noch demm es eah sei veivah, di Husim un di Baara, vekk gedu hott funn sich.

⁹Dess voahra di kinnah iahra nayma es eah katt hott bei sei fraw di Hodes: Jobab, Ziba, Mesa, Malcham,

¹⁰Jeuz, Sachia un Mirma. Sell voahra sei boova es di evvahshti voahra in iahra family-drubba.

¹¹Bei sei fraw, di Husim, hott eah da Abitob un da Elpaal katt.

¹²Em Elpaal sei boova voahra da Eber, da Miseam un da Semer. Da Semer hott di shtett Ono un Lod gebaut un di shtetlen drumm rumm.

¹³Da Beria un da Sema voahra di evvahshti funn di families es in Ajalon gvoond henn, un es di leit funn Gath ausgedrivva henn.

¹⁴Da Ahio, da Sasak, da Jeremoth,

¹⁵da Sebadia, da Arad, da Adar,

¹⁶da Michael, da Jispa un da Joha voahra awl fumm Beria sei nohch-kummashaft.

¹⁷Di nayma fumm Elpaal sei nohch-kummashaft voahra: Sebadia, Mesullam, Hiski, Heber,

¹⁸Jismerai, Jislia un Jobab.

¹⁹Da Jakim, da Sichri, da Sabdi,

²⁰da Elioenai, da Zilthai, da Eliel,

²¹da Adaia, da Braia un da Simrath voahra awl fumm Simei sei nohch-kummashaft.

²²Da Jispan, da Eber, da Eliel,

²³da Abdon, da Sichri, da Hanan,

²⁴da Hanania, da Elam, da Anthothia,

²⁵da Jephdeia, un da Peniel voahra awl fumm Sasak sei nohch-kummashaft.

²⁶Da Samserai, da Seharia, da Athalia,

²⁷da Jaeresia, da Elia un da Sichri voahra awl fumm Jeroham sei nohch-kummashaft.

²⁸Dee voahra awl di evvahshti ivvah iahra family-drubba in iahra kshlechtah un henn in Jerusalem gvoond.

²⁹Da Gibeon, deah es di shtatt Gibeon kshteaht hott, hott in Gibeon gvoond. Sei fraw voah di Maacha.

³⁰Sei eahshtah boo voah da Abdon un di ivvahricha voahra da Zur, da Kis, da Baal, da Nadab,

³¹da Gedor, da Ahio un da Secher.

³²Da Mikloth voah em Simea sei daett. Si henn aw in Jerusalem gvoond nayksht bei iahra freindshaft.

³³Da Ner voah em Kis sei daett. Un da Kis voah em Saul sei daett. Da Saul voah da daett fumm Jonathan, em Malchisua, em Abinadab un em Esbaal.

³⁴Da Jonathan voah em Merib-Baal sei daett, un da Merib-Baal voah em Micha sei daett.

³⁵Da Micha voah em Pithon, Melech, Tharea un em Ahas iahra daett.

³⁶Da Ahas voah em Joadda sei daett. Da Joadda voah em Alemeth, Asmaveth un em Simri iahra daett. Un da Simri voah em Moza sei daett.

³⁷Da Moza voah em Binea sei daett. Em Binea sei boo voah da Rapha, un sei boo voah da Eleasa, un sei boo voah da Azel.

³⁸Da Azel hott sex boova katt. Iahra nayma voahra Asrikam, Bochru, Ismael, Searia, Obadia un Hanan. Dess voahra awl di boova fumm Azel.

³⁹Em Azel sei broodah, da Esek, voah da daett zumm Ulam, sei eldshtah, zumm Jeus, sei zveddah, un zumm Eliphelet, sei driddah.

⁴⁰Em Ulam sei boova voahra mechtichi greeks-leit un henn goot sheesa kenna mitt em bow. Si henn feel kinnah un kinds-kinnah katt—150 alles zammah. Dee leit voahra awl fumm Benjamin sei nohch-kummashaft.