Read Pennsylvania German Nehemia 10 Bible Online

Nehemia 10 - Pennsylvania German bible

Nehemia 10

¹Selli es es bund-shreives kseald henn voahra: da govvenah Nehemia, em Hachalia sei boo, un da Zedekia.

²Da Seraia, da Usaria, da Jeremia,

³da Pashur, da Amaria, da Malchia,

⁴da Hattus, da Sebania, da Malluch,

⁵da Harim, da Meremoth, da Obadia,

⁶da Daniel, da Ginthon, da Baruch,

⁷da Mesullam, da Abia, da Mijamin,

⁸da Maasia, da Bilgai un da Semaia. Dess voahra di preeshtah.

⁹Di Lefiddah voahra: da Jesua, em Asania sei boo, da Binnui funn di kinnah fumm Henadad, da Kadmiel,

¹⁰un iahra breedah: da Sechania, da Hodia, da Kelita, da Pelaia, da Hanan,

¹¹da Micha, da Rehob, da Hasabia,

¹²da Sakkur, da Serebia, da Sebania,

¹³da Hodia, da Bani un da Beninu.

¹⁴Di leit iahra foah-gengah voahra: da Pareos, da Pahath-Moab, da Elam, da Satthu, da Bani,

¹⁵da Bunni, da Asgad, da Bebai,

¹⁶da Adonia, da Bigevai, da Adin,

¹⁷da Ater, da Hiskia, da Assur,

¹⁸da Hodia, da Hasum, da Bezai,

¹⁹da Hariph, da Anathoth, da Nobai,

²⁰da Magpia, da Mesullam, da Hesir,

²¹da Mesesabeel, da Zadok, da Jaddua,

²²da Pelatia, da Hanan, da Anaia,

²³da Hosea, da Hanania, da Hassub,

²⁴da Halohes, da Pilha, da Sobek,

²⁵da Rehum, da Hasabana, da Maaseia,

²⁶da Ahia, da Hanan, da Anan,

²⁷da Malluch, da Harim, un da Baana.

²⁸Nau di ivvahricha leit—di preeshtah, di Lefiddah, di doah-heedah, di singah, di tempel-gnechta un awl selli es sich abkshnidda henn funn di ausahra leit fumm land, un sich unnich's Ksetz funn Gott gedu henn, mitt iahra veivah un awl iahra boova un mayt es dess fashtay henn kenna—

²⁹dee doon awl nau zammah gay mitt iahra breedah, di evvahshta, un doon sich binna mitt en fluch un bei shveahra es si lawfa zayla im Ksetz funn Gott es gevva voah deich da Mosi, em Gott sei gnecht; un es si fleisich awl di gebodda, di rools un di adninga funn Gott unsah HAH halda zayla.

³⁰“Miah fashprecha es miah unsah mayt nett gevva zayla fa heiyahra zu di ausahra leit um uns rumm, un aw iahra mayt nett nemma fa unsah boova.

³¹Vann di leit funn demm land shtoft adda frucht bringa fa fakawfa uf em Sabbat-Dawk, dann zayla miah nix kawfa funn eena uf em Sabbat-Dawk adda uf en heilichah dawk. Un alli sivvet yoah lossa miah's land leiya unni's shaffa, un miah shreiva di leit iahra shulda ab.

³²Miah macha uns aw shuldich fa alli yoah en driddel shtikk silvah gevva fa da deensht fumm haus funn unsah Gott,

³³un miah sinn shuldich fa's tempel-broht, fa di shpeis-opfahra, di brand-opfahra, di Sabbat-Dawk opfahra, di Nei Moon opfahra, di feiyah-dawk opfahra, di opfahra fa heilichi sacha, un di opfahra fa Israel iahra sinda vekk nemma; un awl di eahvet fa acht gevva uf's haus funn unsah Gott.

³⁴Miah, di preeshtah, un Lefiddah un di leit, zeeya's lohs alli yoah fa sayna vels funn di families es hols bringa sella zumm haus funn unsah Gott an ksetzti zeida fa brenna uf em awldah fumm HAH unsah Gott, so vi's kshrivva is im Ksetz.

³⁵Miah missa aw alli yoah's eahsht-frucht fumm land un funn alli obsht-bohm an's haus fumm HAH bringa.

³⁶Un so vi's kshrivva is im Ksetz bringa miah an's haus funn unsah Gott, di eahsht-geboahrana funn unsah boova un fee. Miah bringa funn unsah kee un shohf zu di preeshtah es am deena sinn datt.

³⁷Miah zayla dess sach zu di preeshtah an di shtoah-shtubba fumm haus funn unsah Gott bringa; naymlich, da dayk fumm eahshta frucht, un's eahsht obsht funn alli bohm, vei un ayl. Un miah gevva en zeyyadel funn unsah eahn zu di Lefiddah, fa's is di Lefiddah es en zeyyadel greeya funn awl di shtett vo miah shaffa.

³⁸En preeshtah funn di nohch-kummashaft fumm Aaron, soll mitt di Lefiddah kumma vann si's zeyyadel hohla. Un di Lefiddah sella en zeyyadel funn alles es si einemma nuff an's haus funn unsah Gott bringa un's in di shtubba fumm shtoah-haus du.

³⁹Di Kinnah-Israel un di Lefiddah sella sell es si gevva henn fumm frucht, neiya vei un ayl in di shtoah-haus shtubba du vo's tempel-ksha kalda vatt, un vo di preeshtah, di doah-heedah un di singah bleiva diveil es si datt deena. Miah zayla's haus funn unsah Gott nett fa'achta lossa.”