Read Pennsylvania German Nehemia 7 Bible Online

Nehemia 7 - Pennsylvania German bible

Nehemia 7

¹Noch demm es di mavvah ivvah gebaut voah, un ich di doahra kanka katt habb, voahra di doah-heedah, di singah un Lefiddah eiksetzt.

²Ich habb mei broodah, da Hanani un da Hanania eiksetzt fa Jerusalem ivvah-sayna. Da Hanania voah da greeks-hauptmann ivvah's greeks-gebei. Eah voah en shtandhaftichah mann un hott may Gottes-furcht katt es anri.

³Ich habb ksawt zu eena, “Di doahra funn Jerusalem sella nett uf gmacht sei biss di sunn hays is. Un diveil es di doah-heedah noch datt sinn, sella di doahra zu gmacht sei un di rikkel in da blatz gedu sei. Di heedah sella eiksetzt vadda aus di leit es in Jerusalem voona. Dayl sella an iahra vatsh-bletz gay un anri nayksht an iahra heisah.”

⁴Di shtatt voah grohs rumm mitt feel blatz, avvah's voahra nett feel leit drinn, un di heisah voahra noch nett ivvah gebaut.

⁵So hott mei Gott's in mei hatz gedu fa di evvahshti, di foah-gengah un di ivvahricha leit zammah fasamla fa gezayld un ufkshrivva vadda bei iahra freindshafta. No habb ich's nohch-kummashaft buch kfunna funn selli es seahsht zrikk kumma sinn. Dess is vass ich kfunna habb datt drinn:

⁶Dess sinn di leit funn di landshaft es zrikk kumma sinn funn selli es kfanga voahra, un es da Nebukadnezar, da kaynich funn Babylon, vekk kfiaht hott. Si sinn zrikk zu Jerusalem un Juda kumma, yaydahs zu sei aykni shtatt.

⁷Si sinn kumma mitt em Serubabel, em Jesua, em Nehemia, em Asaria, em Raamia, em Nahamani, em Mordecai, em Bilshan, em Mispereth, em Bigevai, em Nehum un em Baana. Dess sinn di nambahs funn di mennah funn di leit funn Israel:

⁸di kinnah fumm Parosh 2,172

⁹di kinnah fumm Sephatia 372

¹⁰di kinnah fumm Arah 652

¹¹di kinnah fumm Pahath-Moab (deich di kinnah fumm Jesua un em Joab) 2,818

¹²di kinnah fumm Elam 1,254

¹³di kinnah fumm Satthu 845

¹⁴di kinnah fumm Sakkai 760

¹⁵di kinnah fumm Binnui 648

¹⁶di kinnah fumm Bebai 628

¹⁷di kinnah fumm Asgad 2,322

¹⁸di kinnah fumm Adonikam 667

¹⁹di kinnah fumm Bigevai 2,067

²⁰di kinnah fumm Adin 655

²¹di kinnah fumm Ater (deich da Hiskia) 98

²²di kinnah fumm Hasum 328

²³di kinnah fumm Bezai 324

²⁴di kinnah fumm Hariph 112

²⁵di kinnah fumm Gibeon 95

²⁶di mennah funn Bethlehem un Netopha 188

²⁷di mennah funn Anathoth 128

²⁸di mennah funn Beth-Asmaveth 42

²⁹di mennah funn Kiriath-Jearim, Kephira un Beeroth 743

³⁰di mennah funn Rama un Geba 621

³¹di mennah funn Michmas 122

³²di mennah funn Beth-El un Ai 122

³³di mennah fumm anra Nebo 52

³⁴di kinnah fumm anra Elam 1,254

³⁵di kinnah funn Harim 320

³⁶di kinnah funn Jericho 345

³⁷di kinnah funn Lod, Hadid un Ono 721

³⁸di kinnah funn Senaa 3,900.

³⁹Di preeshtah: di kinnah fumm Jedaia (deich di family fumm Jesua) 973

⁴⁰di kinnah fumm Immer 1,052

⁴¹di kinnah fumm Pashur 1,247

⁴²di kinnah fumm Harim 1,017.

⁴³Di Lefiddah: di kinnah fumm Jesua (deich da Kadmiel, es funn di kinnah fumm Hodavia voah) 74.

⁴⁴Di singah: di kinnah fumm Asaph 148.

⁴⁵Di doah-heedah: di kinnah fumm Sallum, fumm Ater, fumm Talmon, fumm Akkub, fumm Hatita un fumm Shobai 138.

⁴⁶Di tempel-gnechta: di kinnah fumm Ziha, fumm Hasupha, fumm Tabbaoth,

⁴⁷di kinnah fumm Keros, fumm Sia, fumm Padon,

⁴⁸di kinnah fumm Lebana, fumm Hagaba, fumm Salmai,

⁴⁹di kinnah fumm Hanan, fumm Giddel, fumm Gahar,

⁵⁰di kinnah fumm Reaia, fumm Rezin, fumm Nekoda,

⁵¹di kinnah fumm Gassam, fumm Usa, fumm Pasea,

⁵²di kinnah fumm Besai, fumm Meuniter, fumm Nephusiter,

⁵³di kinnah fumm Bakbuk, fumm Hakupha, fumm Harhur,

⁵⁴di kinnah fumm Bazlith, fumm Mehida, fumm Harsa,

⁵⁵di kinnah fumm Barkos, fumm Sisera, fumm Temah,

⁵⁶di kinnah fumm Neziah un fumm Hatipha.

⁵⁷Di kinnah fumm Solomon sei gnechta voahra: di kinnah fumm Sotai, fumm Sophereth, fumm Perida,

⁵⁸di kinnah fumm Saala, fumm Darkon, fumm Giddel,

⁵⁹di kinnah fumm Sephatia, fumm Hattil, fumm Pochereth funn Zebaim, un di kinnah fumm Amon.

⁶⁰Awl di tempel-gnechta un di kinnah fumm Solomon sei gnechta voahra 392.

⁶¹Dess sinn selli es ruff kumma sinn funn di shtett Tel-Melah, Tel-Harsha, Kerub, Addon un Immer, avvah si henn nett veisa kenna es iahra families funn di nohch-kummashaft funn Israel voahra.

⁶²Si voahra di kinnah fumm Delaia, fumm Tobia un fumm Nekoda 642.

⁶³Un selli unnich di preeshtah voahra di kinnah fumm Hobaia, fumm Hakkoz, un fumm Barsillai. (Da Barsillai hott em Barsillai funn Gilead sei maydel keiyaht, no hott eah sei fraw iahra family nohma gnumma.)

⁶⁴Dee henn iahra foah-feddah iahra nohch-kummashaft ufksucht avvah si henn si nett finna kenna, so voahra si nett alawbt fa preeshtah sei veil si unrein voahra.

⁶⁵Un da govvenah hott's nett alawbt es si fumm heilicha preeshtah ess-sach essa daufa biss en preeshtah uf shtay hott kenna mitt em Urim un em Thummim.

⁶⁶Alles zammah selli es zrikk kumma sinn voahra 42,360,

⁶⁷nayvich iahra 7,337 mansleit un veibsleit bunds-gnechta. Si henn aw 245 mansleit un veibsleit singah katt.

⁶⁸Si henn 736 geil katt un 245 aysla,

⁶⁹mitt 435 kamayla un 6,720 donkeys.

⁷⁰Samm funn di evvahshti families henn funn iahra shtoft gevva geyyich di eahvet. Da govvenah hott 1,000 shtikkah gold, 50 shisla un 530 preeshtah-rekk in's shtoah-haus gevva.

⁷¹Samm funn di family evvahshti henn 20,000 shtikkah gold un 2,200 shtikkah silvah in's shtoah-haus gevva.

⁷²Un sell es di ivvahricha leit gevva henn voah 20,000 shtikkah gold, 2,000 shtikkah silvah un 67 preeshtah-rekk.

⁷³Di preeshtah, di Lefiddah, di doah-heedah, di singah, di tempel-gnechta, di anra leit un gans Israel sinn in iahra shtett nei gezowwa.