Read Pennsylvania German Hiob 8 Bible Online

Hiob 8 - Pennsylvania German bible

Hiob 8

¹No hott da Bildad funn Suah ksawt,

²“Vee lang zaylsht du so sacha sawwa? Dei vadda sinn vi en grohsah vind.

³Dutt Gott sei richtes fadrayya? Dutt da Awlmechtich letz macha vass recht is?

⁴Dei kinnah henn an demm ksindicht geyyich Gott, so hott eah si ivvah-gedrayt zu di shtrohf funn iahra sinda.

⁵Vann du Gott suchsht fa hilf, un ohhaldsht da Awlmechtich frohwa,

⁶vann du rein un gerecht bisht, dann dutt eah geviss sich rishta fa diah helfa, un diah zrikk gevva vass dei is.

⁷Vass du katt hosht eahshtah, zayld vennich sei, geyyich vass du havva zaylsht shpaydah.

⁸Yusht frohk selli es eahshtah glaybt henn, un finn aus vass iahra feddah gland henn,

⁹fa miah voahra yusht geshtah geboahra un vissa nix, unsah dawwa uf di eaht sinn yusht en shadda.

¹⁰Si kenna dich lanna un diah sawwa; iahra vadda sinn sacha es si gland henn.

¹¹Kenna vassah-shtengel vaxa vo's nett nass is? Kenna di bull-rosha vaxa unni vassah?

¹²Doch, diveil es si noch gree un nett abkshnidda sinn, dann doon si alsnoch kshvindah fadadda es anri blansa.

¹³So gayt's mitt alli-ebbah es Gott fagest, un di hofning funn di ungettlicha vatt faloahra.

¹⁴Vass eah sich druff falost, zayld fagay, sei hofning is vi en shpinna-nesht.

¹⁵Sei hofning is in sei haus, avvah's zayld nett shtay, eah henkt ditzu, avvah's lost een nunnah.

¹⁶Eah is vi en gvessaht blansa in di sunn, sei vatzla kumma uf ivvahrawlich im goahra.

¹⁷Eah vikkeld sei vatzla um di shtay rumm, un gukt fa ufvaxa zvishich di shtay.

¹⁸Avvah vann eah raus grobt vatt funn seim blatz, no sawkt sellah blatz, ‘Ich habb dich nee nett ksenna.’

¹⁹Gukket, dess is awl di frayt es es layva gebt, un anri blansa vaxa aus em shtawb.

²⁰Gott dutt geviss nett en gerechtah mann nunnah drayya, un gebt aw nett graft zu selli es evil doon.

²¹Eah zayld alsnoch dei maul filla mitt laches, un dei leftz mitt fraylichi yacht.

²²Selli es dich hassa zayla geglayt sei mitt shohm, un di tents funn di gottlohsa zayla nimmi shtay.”