Read Pennsylvania German Psalm 1 Bible Online

Psalm 1 - Pennsylvania German bible

Psalm 1

¹Ksaykend is da mensh es nett im roht funn di gottlohsa lawft, adda uf em vayk funn sindah shtayt, adda im sitz funn shpoddah hokt.

²Avvah sei frayt is mitt em Ksetz fumm HAH, un eah denkt veyyich seim Ksetz dawk un nacht.

³Eah is vi en bohm es geblanst is nayvich di vassah-grikka, es sei frucht gebt an di recht zeit, un es sei bleddah nett favelka doon. Alles es eah dutt shaft goot aus.

⁴Avvah di gottlohsa sinn nett so! Si sinn vi shprau es da vind fatt blohst.

⁵Fasell kenna di gottlohsa nett shtay im gericht, adda di sindah mitt di fasamling funn di gerechta.

⁶Fa da HAH vatsht ivvah da vayk funn di gerechta, avvah da vayk funn di gottlohsa kumd zu nix.