Read Pennsylvania German Psalm 100 Bible Online

Psalm 100 - Pennsylvania German bible

Psalm 100

¹En Dank-Psalm. Greishet mitt frayt zumm HAH ivvahrawlich in di eaht.

²Deenet da HAH mitt frayt; kummet fannich een un singet mitt fraylichkeit.

³Bekennet es da HAH Gott is; eah hott uns gmacht, un miah sinn sei; miah sinn sei leit, un di shohf funn sei vayt.

⁴Gaynd deich sei tempel-deahra un seind dankboah, un in sei hohf mitt lohb. Danket een un lohvet sei nohma.

⁵Fa da HAH is goot; sei leevi bleibt fa'immah, un sei shtandhaftichkeit bleibt ayvichlich.