Read Pennsylvania German Psalm 111 Bible Online

Psalm 111 - Pennsylvania German bible

Psalm 111

¹Lohb sei zumm HAH! Ich zayl dank gevva zumm HAH mitt mei gans hatz, unnich di ufrichticha un in di fasamling.

²Grohs sinn di verka fumm HAH; veah-evvah es si ivvah denkt, froit sich ivvah si.

³Vass eah dutt is hohch ohksenna un hallich, un sei gerechtichkeit bleibt ayvichlich.

⁴Eah hott gmacht es sei vundahboahri verka nett fagessa gayn, da HAH is gnaydich un bamhatzich.

⁵Eah gebt ess-sach zu selli es een firchta, eah fagest sei bund nee nett.

⁶Eah hott di graft funn sei verka gvissa zu sei leit, bei di heida iahra lendah gevva zu eena.

⁷Di eahvet funn sei hend is shtandhaftich un recht, awl sei gebodda kenna gedraut sei.

⁸Si sinn shtandhaftich fa'immah un immah, un sinn gedu in voahheit un gerechtichkeit.

⁹Eah hott saylichkeit zu sei leit kshikt, un hott sei ayvich bund gmacht mitt eena; heilich un mechtich is sei nohma.

¹⁰Di furcht fumm HAH is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!