Read Pennsylvania German Psalm 113 Bible Online

Psalm 113 - Pennsylvania German bible

Psalm 113

¹Lohb sei zumm HAH! Lohvet, diah gnechta fumm HAH; lohvet em HAH sei nohma.

²Glohbt is da nohma fumm HAH, funn nau biss in di ayvichkeit.

³Fumm blatz vo di sunn ufkumd biss vo see unnah gayt, soll em HAH sei nohma glohbt sei.

⁴Da HAH is hohch ivvah awl di heida, sei hallichkeit is ovvich di himla.

⁵Veah is vi da HAH unsah Gott, deah es hohch in di hay hokt,

⁶deah es sich bikt un runnah gukt uf di himla un di eaht?

⁷Eah haybt di oahma uf aus em shtawb, un selli es noht henn aus em esh-haufa.

⁸Eah hokt si nayvich di feddahshta nayvich di feddahshta funn sei leit.

⁹Eah gebt di unfruchtboah fraw frayt in di haymet, un macht si en fraylichi maemm mitt kinnah. Halleluja!