Read Pennsylvania German Psalm 114 Bible Online

Psalm 114 - Pennsylvania German bible

Psalm 114

¹Vo Israel aus Egypta kumma is, vo's haus fumm Jakob aus en leit mitt en fremdi shprohch kumma is,

²dann is Juda em HAH sei heilichah blatz vadda; un Israel sei kaynich-reich.

³Da say hott gegukt un is difunn kshprunga; da Jordan Revvah is zrikk gedrayt.

⁴Di berga henn getshumbt vi shohf-bekk; un di hivla vi lemmah.

⁵Favass bisht du difunn kshprunga, oh say, un du, Jordan Revvah, es du zrikk gedrayt bisht?

⁶Diah berga, favass hend diah getshumbt vi shohf-bekk, un diah hivla vi lemmah?

⁷Shiddel fannich em Hah, oh eaht; fannich em Gott fumm Jakob,

⁸deah es da felsa in en vassah-loch gmacht hott, un da hatt shtay in en vassah-shpring.