Read Pennsylvania German Psalm 12 Bible Online

Psalm 12 - Pennsylvania German bible

Psalm 12

¹En Psalm fumm Dawfit. Zumm foah-singah: foah-kshpeeld mitt en acht kshtringdi harf. Helf uns, HAH, fa's hott kenn gettlichi leit may, di shtandhafticha kenna nimmi kfunna sei unnich di leit.

²Alli-ebbah leekt zu nannah; si shvetza gladdi vadda mitt iahra leftz un shvetza mitt zvay hatza.

³Da HAH zayld awl gladdi leftz shtobba, un alli zung es braekt,

⁴un sawkt, “Mitt unsah zung greeya miah vass miah vella; miah aykna unsah leftz, veah kann ivvah uns sei?”

⁵Avvah da HAH sawkt, “Veil di shvacha nunnah gedredda sinn, un selli mitt noht am yammahra sinn, nau shtayn ich uf. Ich zayl hilf gevva zu eena, sell vass si en falanga henn difoah.”

⁶Di vadda fumm HAH sinn pyuah, vi silvah kshmolsa in en eahdichah offa, sivva mohl greinicht.

⁷Du, oh HAH, haldsht si aus di kfoah, un heetsht uns funn di leit funn dee zeit fa'immah.

⁸Di gottlohsa lawfa rumm uf alli seit, vann grausami sinda uf kohva vadda unnich mensha.