Read Pennsylvania German Psalm 128 Bible Online

Psalm 128 - Pennsylvania German bible

Psalm 128

¹En leet fa ksunga sei uf em vayk nuff an Jerusalem. Ksaykend is alli-ebbah es da HAH fircht, un in seim vayk lawft.

²Du esht di frucht es dei hend kshaft henn difoah; du zaylsht froh sei un's zayld goot gay mitt diah.

³Dei fraw zayld sei vi en fruchtboahrichah vei-shtokk, drinn in dei haus. Dei kinnah zayla sei vi yungi ayl-baym um dei dish rumm.

⁴Saynsht du, so vatt da mann ksaykend es da HAH fircht.

⁵Da HAH zayld dich saykna funn Zion; un du zaylsht sayna es es goot gayt fa Jerusalem awl di dawwa funn dei layva,

⁶un du zaylsht layva fa dei kinnah iahra kinnah sayna. Fridda sei uf Israel!