Read Pennsylvania German Psalm 13 Bible Online

Psalm 13 - Pennsylvania German bible

Psalm 13

¹En Psalm fumm Dawfit. Zumm foah-singah. Vi lang, oh HAH? Zaylsht du mich fagessa fa'immah? Vi lang fashtekkelsht du dei ksicht funn miah?

²Vi lang soll ich bekimmaht sei in mei sayl, un angsht havva in mei hatz da gans dawk? Vi lang zayld mei feind ivvah mich shtay?

³Gukk an mich un gebb miah andvat, oh HAH, mei Gott. Bring's licht zrikk in mei awwa, so es ich nett da shlohf fumm doht shlohf;

⁴adda mei feind mecht sawwa, “Ich binn een ivvah-kumma,” un selli es mich nett gleicha zayla froh sei vann ich fall.

⁵Avvah ich drau in dei shtandhaftichi-leevi; mei hatz froit sich in dei saylichkeit.

⁶Ich sing zumm HAH, veil eah so goot voah zu miah.