Read Pennsylvania German Psalm 136 Bible Online

Psalm 136 - Pennsylvania German bible

Psalm 136

¹Danket da HAH, fa eah is goot; fa sei shtandhaftichi-leevi bleibt ayvichlich.

²Danket da Gott funn awl di gettah, fa sei shtandhaftichi-leevi bleibt ayvichlich.

³Danket da Hah funn awl di hahra, fa sei shtandhaftichi-leevi bleibt ayvichlich;

⁴deah laynich es grohsi vundahra dutt, fa sei shtandhaftichi-leevi bleibt ayvichlich;

⁵deah es mitt veisheit di himla gmacht hott, fa sei shtandhaftichi-leevi bleibt ayvichlich;

⁶deah es di eaht ivvah di vassahra auskshtrekt hott, fa sei shtandhaftichi-leevi bleibt ayvichlich;

⁷deah es di grohsa lichtah gmacht hott, fa sei shtandhaftichi-leevi bleibt ayvichlich;

⁸di sunn es ivvah da dawk roold, fa sei shtandhaftichi-leevi bleibt ayvichlich;

⁹da moon un di shtanna es ivvah di nacht roola, fa sei shtandhaftichi-leevi bleibt ayvichlich;

¹⁰deah es di Egyptah iahra eahsht-geboahrani kshlauwa hott, fa sei shtandhaftichi-leevi bleibt ayvichlich;

¹¹un hott Israel aus Egypta kfiaht, fa sei shtandhaftichi-leevi bleibt ayvichlich;

¹²mitt en shteiki hand un en auskshtrektah oahm, fa sei shtandhaftichi-leevi bleibt ayvichlich;

¹³deah es da Roht Say in zvay fadayld hott, fa sei shtandhaftichi-leevi bleibt ayvichlich;

¹⁴un hott Israel deich di mitt difunn gebrocht, fa sei shtandhaftichi-leevi bleibt ayvichlich;

¹⁵avvah eah hott da Pharao un sei greeks-gnechta in da say kshmissa, fa sei shtandhaftichi-leevi bleibt ayvichlich;

¹⁶deah es sei leit deich di vildahnis kfiaht hott, fa sei shtandhaftichi-leevi bleibt ayvichlich;

¹⁷deah es grohsi kaynicha nunnah kshlauwa hott, fa sei shtandhaftichi-leevi bleibt ayvichlich;

¹⁸un hott mechtichi kaynicha doht gmacht, fa sei shtandhaftichi-leevi bleibt ayvichlich;

¹⁹da Sihon, da kaynich funn di Amoriddah, fa sei shtandhaftichi-leevi bleibt ayvichlich;

²⁰un da Og, da kaynich funn Bason, fa sei shtandhaftichi-leevi bleibt ayvichlich;

²¹un eah hott iahra land gevva fa en eahbshaft, fa sei shtandhaftichi-leevi bleibt ayvichlich;

²²en eahbshaft zu sei gnecht Israel, fa sei shtandhaftichi-leevi bleibt ayvichlich;

²³deah es uns nett fagessa hott vo miah nunnah gedredda voahra, fa sei shtandhaftichi-leevi bleibt ayvichlich;

²⁴un hott uns frei gmacht funn unsah feinda, fa sei shtandhaftichi-leevi bleibt ayvichlich;

²⁵deah es ess-sach gebt zu alles levendiches, fa sei shtandhaftichi-leevi bleibt ayvichlich.

²⁶Danket da Gott fumm himmel, fa sei shtandhaftichi-leevi bleibt ayvichlich.