Read Pennsylvania German Psalm 137 Bible Online

Psalm 137 - Pennsylvania German bible

Psalm 137

¹An di revvahra funn Babylon henn miah kokt un keild, vo miah an Zion gedenkt henn.

²Datt uf di veida-baym, henn miah unsah harfa anna kanka.

³Datt henn selli es uns kfanga henn uns kaysa fa singa, un selli es uns gegvayld henn, henn uns macha vella fraylich sei; si henn ksawt, “Singet uns en leet funn Zion!”

⁴Vi kenna miah em HAH sei leet singa in en fremd land?

⁵Vann ich dich fagess, oh Jerusalem, loss mei rechtsi hand fazeahra.

⁶Loss mei zung ovva in mei maul shtekka, vann ich dich fagess, un vann ich nett Jerusalem mei haychshti frayt mach.

⁷Oh HAH, fagess nett vass di Edomiddah ksawt henn uf em dawk vo Jerusalem kfalla is. Si henn ksawt, “Reis es nunnah, reis es nunnah biss uf da grund!”

⁸Oh Dochtah funn Babylon, du zaylsht nunnah grissa vadda, ksaykend is sellah es dich zrikk betzawld fa vass du gedu hosht zu uns.

⁹Ksaykend zayld sellah sei es dei kinnah nemd, un si veddah da felsa shlakt.