Read Pennsylvania German Psalm 149 Bible Online

Psalm 149 - Pennsylvania German bible

Psalm 149

¹Halleluja! Singet en nei leet zumm HAH; di fasamling funn di saylicha soll een lohva.

²Loss Israel froh sei fa deah es si gmacht hott; di kinnah funn Zion sella sich froiya fa iahra Kaynich.

³Loss si sei nohma lohva mitt dansa; si sella een deena mitt grohsi un glenni harfa.

⁴Fa da HAH hott blesiah in sei leit, eah dekt di daymeedicha ivvah mitt saylichkeit.

⁵Loss di saylicha froh sei in iahra hallichkeit, un singa mitt frayt vann si sich anna leiya.

⁶Loss Gott sei lohb in iahra meilah sei, un zvay-shneidichi shvadda in iahra hend,

⁷so es si di heida zrikk betzawla, un di leit shtrohfa doon,

⁸un so es si iahra kaynicha binna mitt kedda, un iahra eldishti mitt eisichi banda,

⁹un so es di gericht ausgedrawwa vatt es kshrivva is geyyich si. Dess is hallichkeit fa awl sei saylichi. Halleluja!