Read Pennsylvania German Psalm 16 Bible Online

Psalm 16 - Pennsylvania German bible

Psalm 16

¹En Psalm fumm Dawfit. Hald mich aus di kfoah, oh Gott; ich du mei fadrauwa in dich.

²Ich habb ksawt zumm HAH, “Du bisht mei Hah; unni dich havvich nix goodes.”

³So veit es di saylicha uf di eaht ohgayt, si sinn hallich un sinn miah oahrich kfellich.

⁴Di dreebsawl funn selli es anri gettah nohch gayn, zayld graysah un graysah vadda. Ich zayl kenn bloot opfahra zu selli gettah, adda iahra nayma uf mei leftz nemma.

⁵Da HAH is mei dayl funn di eahbshaft. Du veisht miah vi zu gay, un haldsht mei dayl fa mich.

⁶Es land es zu miah kfalla is, is miah leeblich; ich habb geviss en goodi eahbshaft.

⁷Ich lohb da HAH es miah roht gebt, even deich di nacht dutt mei hatz mich lanna.

⁸Ich setz da HAH immah fannich mich. Veil eah an mei rechtsi hand bleibt, dann fall ich nee nett vekk.

⁹Fasell froit mei hatz sich, un mei sayl is froh, even mei leib haldsht du aus di kfoah.

¹⁰Fa du zaylsht mich nett ivvah-gevva zu di veld funn di dohda, adda dei Heilichah fazeahra lossa.

¹¹Du veisht miah da vayk zumm layva; bei diah sei, macht mei frayt foll, un an dei rechtsi hand sinn blesiahra fa'immah.