Read Pennsylvania German Psalm 26 Bible Online

Psalm 26 - Pennsylvania German bible

Psalm 26

¹En Psalm fumm Dawfit. Shaff's recht aus fa mich, oh HAH, fa ich habb en unshuldich layva kfiaht, un ich habb mei hofning in dich gedu unni zveifla.

²Gukk mich ivvah, oh HAH, un broviah mich aus, broviah mei hatz un mei meind aus.

³Fa dei shtandhaftichi-leevi is fannich mei awwa, un ich lawf di gans zeit in dei voahheit.

⁴Ich hokk nett mitt falshi mennah, un ich hald mich nett uf mitt zvay-ksichtichi leit.

⁵Ich hass selli es zammah kumma fa evil du, un ich hokk nett mitt di gottlohsa.

⁶Ich vesh mei hend in unshuld, un lawf um dei awldah rumm, oh HAH.

⁷Ich dank dich mitt en laudi shtimm, un shvetz veyyich awl dei vundahboahri verka.

⁸Oh HAH, ich habb's haus leeb es du drinn voonsht, da blatz vo dei hallichkeit bleibt.

⁹Nemm mei sayl nett vekk mitt sindah, adda mei layva mitt mennah es bloot fagossa henn—

¹⁰mennah es evili vayya shund in iahra hend henn, un doon sich geahn ab kawfa lossa.

¹¹Avvah fa mich, ich fiah en unshuldich layva, mach mich saylich, un sei gnaydich zu miah.

¹²Mei fees shtayn uf ayvanah grund, ich lohb da HAH in di grohs fasamling.