Read Pennsylvania German Psalm 4 Bible Online

Psalm 4 - Pennsylvania German bible

Psalm 4

¹En Psalm fumm Dawfit. Zumm foah-singah: fa foah-kshpeeld sei mitt harfa. Gebb andvat zu miah vann ich roof, oh Gott funn mei gerechtichkeit. Du hosht miah drohsht gevva in meim angsht. Sei gnaydich zu miah un heich mich ab in meim gebayt.

²Oh diah mennah, vi lang zayld mei eah in shohm gedrayt vadda? Vi lang lohvet diah leahri vadda un gaynd leeya nohch? (Sela)

³Avvah fagess nett es da HAH da gettlich mensh raus ksetzt hott fa sich selvaht. Da HAH heaht vann ich een ohroof.

⁴In eiyah zann, doond nett sindicha; In eiyah beddah, seind shtill un suchet vass in eiyah hatza is. (Sela)

⁵Opfahret gerechti opfahra, un doond eiyah fadrauwa in da HAH.

⁶Feel leit sawwa, “Veah kann uns goodi sacha sayna lossa?” Loss di helling funn dei ksicht uf uns falla, oh HAH.

⁷Du hosht frayt in mei hatz gedu, may es si henn vann si feel frucht un neiyah vei henn.

⁸Ich layk mich anna un shlohf in fridda, fa du laynich, oh HAH, losht mich voona aus di kfoah.