Read Pennsylvania German Psalm 43 Bible Online

Psalm 43 - Pennsylvania German bible

Psalm 43

¹Shaff's aus fa mei recht, oh Gott, un nemm mei sacha uf geyyich en ungettlich folk, mach mich frei funn zvay-ksichtichi un falshi mensha.

²Du bisht da gott funn mei graft, favass hosht du mich vekk kshtohsa? Favass muss ich dravvahlich rumm heah gay, un nunnah gedredda sei bei mei feinda?

³Shikk dei licht un dei voahheit naus, loss si mich fiahra, so es si mich zu dei heilichah hivvel bringa, un an da blatz es du bleibsht.

⁴No gayn ich an da awldah funn Gott, zu Gott, deah es mei grohsi frayt is; un ich dank dich mitt di harf, oh Gott, mei Gott.

⁵Favass bisht du bedreebt, oh mei sayl, un bisht so unruich in miah? Du dei hofning in Gott, fa ich zayl een viddah lohva, veil eah mei hilf un mei Gott is.