Read Pennsylvania German Psalm 46 Bible Online

Psalm 46 - Pennsylvania German bible

Psalm 46

¹En leet funn di kinnah fumm Korah ksunga zu di veis, Alamoth. Zumm foah-singah. Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

²Fasell feicha miah uns nett, even vann di eaht unnah gayt, un vann di berga in di mitt funn da say falla;

³even vann sei vassahra roahra un shauma, un di berga kshiddeld vadda bei em say sei gvald. (Sela)

⁴Es hott en revvah, un iahra grikka macha di shtatt funn Gott froh, selli heilich shtatt vo da Alli-Haychsht voond.

⁵Gott is in di mitt funn di shtatt, un see zayld nett falla, Gott zayld iahra helfa free meiyets.

⁶Di heida sinn am fagelshtaht vadda, un kaynich-reicha sinn am falla. Eah greisht mitt sei shtimm, un di eaht shmelsht.

⁷Da Awlmechtich HAH is mitt uns, da Gott fumm Jakob is unsah sayfah Roo-Blatz. (Sela)

⁸Kummet un saynet di verka fumm HAH, di vundahboahri sacha es eah gedu hott uf di eaht.

⁹Eah shtobt da greek ivvahrawlich biss an's end funn di eaht, eah fabrecht da bow, un shneit di shpiah in zvay, eah fabrend di greeks-veyya mitt feiyah.

¹⁰“Hayvet eich shtill, un visset es ich Gott binn. Ich zayl uf kohva sei bei di heida, ich zayl uf kohva sei in di eaht.”

¹¹Da Awlmechtich HAH is mitt uns, da Gott fumm Jakob is unsah sayfah Roo-Blatz. (Sela)