Read Pennsylvania German Psalm 47 Bible Online

Psalm 47 - Pennsylvania German bible

Psalm 47

¹En Psalm funn di kinnah fumm Korah. Zumm foah-singah. Shlauwet eiyah hend zammah, awl diah leit, greishet zu Gott mitt di shtimm funn frayt.

²Fa da Alli-Haychsht HAH is shreklich, un en Grohsah Kaynich ivvah di gans eaht.

³Eah hott di heida unnich uns gedu, un di leit unnich unsah fees.

⁴Eah hott unsah eahbshaft raus glaysa fa uns, di hallichkeit fumm Jakob, deah vo eah leeb hott. (Sela)

⁵Gott is nuff ganga diveil di leit am greisha voahra mitt frayt. Diveil es di blohs-hanna geblohsa henn, is da HAH nuff ganga.

⁶Singet lohb zu Gott, singet lohb. Singet lohb zu unsah Kaynich, singet lohb.

⁷Fa Gott is da Kaynich funn di gans eaht; singet lohb zu eem mitt en psalm.

⁸Gott roold ivvah di heida, Gott hokt uf sei heilichah kaynich-shtool.

⁹Di roolahs funn di heida henn sich fasammeld, es vi di leit fumm Abraham sei Gott. Fa di kaynicha funn di eaht heahra zu Gott, eah is hohch uf kohva.