Read Pennsylvania German Psalm 5 Bible Online

Psalm 5 - Pennsylvania German bible

Psalm 5

¹En Psalm fumm Dawfit. Zumm foah-singah: fa kshpeeld sei mitt blohs-hanna. Gebb dei oah zu mei vadda, oh HAH, un nemm acht funn meim geyammah.

²Heich mich zu diah roofa fa hilf, mei Kaynich un mei Gott; zu diah doon ich bayda.

³Free meiyets, oh HAH, heahsht du mei shtimm; free meiyets shikk ich mei gebayt zu diah un voaht fa dei andvat.

⁴Du bisht nett en Gott es sich froit in ungerechtichkeit; du alawbsht kenn evil fa bei diah sei.

⁵Di braekkah daufa nett fannich dei awwa shtay, du hasht awl selli es letz doon.

⁶Du bringsht selli um es leeya; da HAH hast bloot-fageesah un uneahlichi mennah.

⁷Avvah deich dei grohsi leevi, kann ich in dei haus kumma; ich deen dich in deim heilicha tempel, un bikk mich nunnah zu diah in furcht.

⁸Fiah mich, oh HAH, in dei gerechtichkeit, veil ich feel feinda habb. Mach dei vayk grawt fannich miah.

⁹'Sis kenn voahheit in iahra maul, in iahra hatza vella si yusht nunnah reisa. Iahra hals is en grawb es uf is, un mitt iahra zung doon si yusht glatt shvetza.

¹⁰Hayb si shuldich, oh Gott! Bei iahra ayyanah roht loss si falla. Shtohs si naus fa iahra feel sinda, fa si henn sich ufkshteld geyyich dich.

¹¹Avvah loss awl selli es diah drauwa sich froiya; loss si immah singa mitt frayt. Bedekk si un gebb acht uf si, so es selli es dei nohma leeb henn, sich froiya kenna veyyich diah.

¹²Fa du saykendsht di gerechta, oh HAH; du umringsht si mitt gnawt vi mitt en shield.