Read Pennsylvania German Psalm 64 Bible Online

Psalm 64 - Pennsylvania German bible

Psalm 64

¹Zumm foah-singah. En Psalm fumm Dawfit. Heich mei shtimm ab, oh Gott, vann ich mich faglawk, heet mei layva vann ich lasht habb funn mei feinda.

²Fashtekkel mich funn vass di gottlohsa im sinn henn, un funn di shkeems funn di evil-shaffah.

³Si shaufa iahra zunga vi shvadda; si zeela iahra giftichi vadda vi arrows.

⁴Si fashtekla sich un sheesa an di unshuldicha; si sheesa bletzlich unni sich feicha.

⁵Si famohna nannah mitt em evil es si im sinn henn, si shvetza veyyich iahra falla fashtekla, si sawwa, “Veah zayld uns sayna?”

⁶Si henn evili sacha im sinn un sawwa, “Miah henn en shlichtich ding ausgmacht.” Fa di innahlichi gedanka fumm mensh sinn deef.

⁷Avvah Gott sheest sei arrows an si, un bletzlich sinn si vay gedu.

⁸Deich iahra aykni zunga zayla si falla, alli-ebbah es si saynd shiddeld sei kobb in furcht.

⁹No doon awl di mensha sich feicha un sawwa, “Dess is di eahvet funn Gott!” Un si denka drivvah vass eah gedu hott.

¹⁰Di gerechta leit zayla sich froiya im HAH, un zayla sich zu eem fadrauwa. Awl di ufrichticha im hatz zayla een preisa.