Read Pennsylvania German Psalm 67 Bible Online

Psalm 67 - Pennsylvania German bible

Psalm 67

¹Zumm foah-singah. En Psaltah-Leet. Fa kshpeeld sei mitt harfa. Gott sei gnaydich zu uns un sayken uns, mach sei ksicht uf uns sheina. (Sela)

²So es dei vayk gvissa sei kann uf di eaht, un dei saylichkeit unnich awl di heida.

³Awl di leit sella dich preisa, oh Gott, awl di leit sella dich preisa.

⁴Di heida sella froh sei un singa mitt frayt, veil du di mensha recht richsht, un di leit fiahsht uf di eaht. (Sela)

⁵Awl di leit sella dich preisa, oh Gott, awl di leit sella dich preisa.

⁶Es land hott sei eahn gevva, un Gott, unsah Gott, hott uns ksaykend.

⁷Gott hott uns ksaykend, un di gans veld soll een firchta.