Read Pennsylvania German Psalm 8 Bible Online

Psalm 8 - Pennsylvania German bible

Psalm 8

¹En Psalm fumm Dawfit. Zumm foah-singah. Fa kshpeeld sei uf di Gitteth. Oh HAH, unsah Hah, vi hallich is dei nohma in di gans eaht. Du hosht dei hallichkeit ovvich awl di himla ksetzt.

²Aus di meilah funn kinnah un glenni boblen, hosht du macht zugricht geyyich selli es geyyich dich sinn, so es dei feinda un selli es ayva kumma vella shtill sei missa.

³Vann ich ivvah di sacha denk funn dei himla, di eahvet funn dei fingah, da moon un di shtanna es du kshaffa hosht,

⁴vass is da mensh es du an een denksht, un da sohn fumm mensh es du acht hosht fa een?

⁵Du hosht een vennichah un niddahrah gmacht es di engel, un hosht een gekrohnd mitt hallichkeit un kaynich-eah.

⁶Du hosht een da roolah gmacht ivvah di eahvet funn dei hend; du hosht alles unnich sei fees gedu:

⁷awl di shohf un oxa, un awl di vilda diahra fumm feld,

⁸di fekkel im himmel, di fish im say, un alles es shvimd im say.

⁹Oh HAH, unsah Hah, vi hallich is dei nohma in di gans eaht!