Read Pennsylvania German Psalm 96 Bible Online

Psalm 96 - Pennsylvania German bible

Psalm 96

¹Singet en nei leet zumm HAH, di gans veld, singet zumm HAH!

²Singet zumm HAH, un lohvet sei nohma; fakindichet sei saylichkeit dawk noch dawk.

³Fazaylet veyyich sei hallichkeit unnich di heida, un veyyich sei vundahboahri verka unnich awl di leit!

⁴Da HAH is grohs un is diveaht fa glohbt sei, un eah muss kfircht sei ovvich awl di gettah.

⁵Fa awl di gettah funn di leit sinn abgettah, avvah da HAH hott di himla gmacht.

⁶Hallichkeit un kaynich-eah sinn fannich eem, graft un glitz sinn in seim tempel.

⁷Gevvet zumm HAH, diah leit uf di eaht, gevvet hallichkeit un graft zumm HAH!

⁸Gevvet zumm HAH di hallichkeit es zu sei nohma heaht, bringet en opfah un kummet in sei tempel-hohf.

⁹Lohvet da HAH in seim heilicha glayt, loss di gans veld ziddahra fannich eem.

¹⁰Sawwet unnich di heida, “Da HAH is kaynich!” Eah hott di veld fesht ksetzt, un si kann nett gmooft sei; eah richt di leit recht.

¹¹Loss di himla froh sei, un di eaht sich froiya, loss da say roahra, un alles es drinn is.

¹²Loss di feldah fraylich sei, un alles es drinn is, no doon awl di baym im bush singa mitt frayt.

¹³Si singa fannich em HAH, fa eah kumd, eah kumd fa di eaht richta. Eah zayld di veld richta in gerechtichkeit, un di leit in sei voahheit.