Read Pennsylvania German Hosea 3 Bible Online

Hosea 3 - Pennsylvania German bible

Hosea 3

¹No hott da HAH ksawt zu miah, “Gay viddah un veis leevi zu en veibsmensh es beleebt is bei en anra mann, un es aw en aybrechah is. Gebb iahra leevi vi da HAH di Kinnah-Israel leeb hott, even diveil es si zu anri gettah drayya un drauva-kucha gleicha.”

²So habb ich see gekawft fa fuftzay shtikkah silvah un zeyya bushel geahsht.

³No habb ich ksawt zu iahra, “Du solsht en langi zeit bei miah bleiva. Du solsht nett huahrahrei dreiva adda shlohfa mitt ennichah mann, un ich kumm aw nett nei zu diah.”

⁴Dess is veil di Kinnah-Israel aw en langi zeit sei zayla unni en kaynich adda en evvahshtah, unni opfahra adda shtay-poshta, unni en preeshtah-shatz adda en gleichnis.

⁵Shpaydah zayla di Kinnah-Israel zrikk drayya, un zayla da HAH iahra Gott un da Dawfit iahra kaynich sucha. Si zayla zumm HAH un sei gnawt kumma am ziddahra in di letshta dawwa.