Read Pennsylvania German 4. Mosi 31 Bible Online

4. Mosi 31 - Pennsylvania German bible

4. Mosi 31

²“Du auseeves un shtrohf uf di Midianiddah fa di Kinnah-Israel. Noch sellem zaylsht du zu dei leit ksammeld vadda.”

³So hott da Mosi ksawt zu di leit, “Rishtet en dayl funn eiyah mennah fa greek macha mitt di Midianiddah, un doond em HAH sei auseeves uf si.

⁴Shikket en dausend greeks-mennah funn yaydah shtamm funn Israel.”

⁵So voahra zvelf dausend greeks-mennah grisht fa fechta, en dausend funn yaydah shtamm voah gnumma funn awl di shtamma funn Israel.

⁶Da Mosi hott si in da greek kshikt, en dausend funn yaydah shtamm. Eah hott da Pinehas, em preeshtah Eleasar sei boo mitt eena kshikt, un eah hott di heilichi sacha fumm fasamling-tent un di greeks-blohs-hanna in di hand katt.

⁷Si henn kfochta geyyich di Midianiddah vi da HAH da Mosi gebodda hott, un si henn alli mann doht gmacht.

⁸Unnich selli es doht voahra, voah da Evi, da Rekem, da Zur, da Hur un da Reba—di fimf kaynicha funn Midian. Si henn aw em Beor sei boo da Bileam doht gmacht mitt em shvatt.

⁹Di Kinnah-Israel henn di Midianiddah veibsleit un kinnah kfanga kalda, un henn di Midianiddah grawbt funn awl iahra kee un shohf un annah sach es si katt henn.

¹⁰Si henn awl di shtett un anri bletz nunnah gebrend vo di Midianiddah gvoond henn.

¹¹Noch demm es si awl's sach gnumma katt henn, un aw di leit un's fee,

¹²henn si alles zumm Mosi un em preeshtah Eleasar gebrocht, un zu di gans Israeliddah fasamling an iahra camp uf em ayvana funn Moab am Jordan, ivvah da revvah funn Jericho.

¹³Da Mosi, da preeshtah Eleasar un awl di evvahshti funn di leit sinn naus aus di camp ganga fa si ohdreffa.

¹⁴Avvah da Mosi voah zannich mitt di greeks-hauptmennah, selli es hauptmennah voahra ivvah dausends un ivvah hunnahts, vo si zrikk fumm greek kumma sinn.

¹⁵Eah hott si kfrohkt, “Favass hend diah awl di veibsleit layva glost?

¹⁶Es voah si es em Bileam sei roht gnumma henn, un es di shuld voahra es di Israeliddah vekk gedrayt sinn fumm HAH un sich fasindicht henn am Berg Peor. Si voahra di shuld es di dohdes-grankheit em HAH sei leit gedroffa hott.

¹⁷Nau machet awl di boova doht, un awl di veibsleit es kshlohfa henn mitt en mann.

¹⁸Avvah di yunga mayt es noch nett kshlohfa henn mitt en mann kennet diah halda.

¹⁹Ennichs funn eich es ebbah doht gmacht hott adda ebbah dohdes ohgraykt hott muss draus aus di camp bleiva fa sivva dawk. Diah misset eich un eiyah kfangani rein macha uf em dridda un em sivvada dawk.

²⁰Machet alli shtikk glaydah rein un aw alles es gmacht is funn leddah, gaysa-hoah adda hols.”

²¹No hott da preeshtah Eleasar ksawt zu di mennah es im greek voahra, “Dess is es ksetz es da HAH em Mosi gevva hott:

²²Ennich ebbes es gmacht is funn gold, silvah, bronze, eisa, tin, un lead,

²³un ennich ebbes shunsht es nett brend muss deich's feiyah gedu sei, no vatt's rein. Avvah's muss aw rein gmacht sei mitt reinich vassah. Un ennich ebbes es brend im feiyah muss aw rein gmacht sei mitt sellem vassah.

²⁴Uf em sivvada dawk veshet eiyah glaydah no sind diah rein. Noch sellem kennet diah in di camp kumma.”

²⁵Da HAH hott ksawt zumm Mosi,

²⁶“Du, da preeshtah Eleasar un di family evvahshti funn di leit, gaynd un zaylet alles es gnumma voah im greek, awl di leit un's fee.

²⁷Fadaylet dihelft es gnumma voah unnich di greeks-gnechta es kfochta henn, un di annah helft unnich di leit.

²⁸Gebb em HAH sei shiah funn di leit, kee, aysla, shohf un gays es gnumma voahra un es zu di greeks-gnechta heahra. Gebb em HAH ay dayl aus fimf hunnaht.

²⁹Nemm em HAH sei dayl funn di greeks-gnechta iahra helft, un gebb's zumm preeshtah Eleasar.

³⁰Funn di ivvahricha leit iahra helft, gebb em HAH ay dayl aus fuftzich funn di leit, kee, aysla, shohf, gays un annah fee es gnumma voah. Gebb dess zu di Lefiddah es da deensht fasayna fumm HAH sei tempel-tent.”

³¹So hott da Mosi un da preeshtah Eleasar gedu vi da HAH da Mosi gebodda hott.

³²Sell es di greeks-gnechta gnumma henn im greek voah: 675,000 shohf,

³³72,000 kee,

³⁴61,000 aysla

³⁵un 32,000 yungi mayt es nett kshlohfa katt henn mitt en mann.

³⁶Es halb dayl funn selli es kfochta katt henn im greek voah: 337,500 shohf.

³⁷Aus selli shohf voah em HAH sei dayl 675;

³⁸36,000 kee, un em HAH sei dayl voah 72;

³⁹30,500 aysla, un em HAH sei dayl voah 61;

⁴⁰16,000 leit, un em HAH sei dayl voah 32.

⁴¹Da Mosi hott em HAH sei dayl zumm preeshtah Eleasar gevva, grawt vi da HAH da Mosi gebodda hott.

⁴²Es halb dayl es zu di Israeliddah keaht hott, es da Mosi fadayld hott funn di greeks-gnechta iahres voah:

⁴⁷Funn di Israeliddah iahra helft hott da Mosi ay dayl aus fuftzich funn di leit un diahra gnumma vi da HAH een gebodda hott, un hott si zu di Lefiddah gevva es da deensht fumm tempel-tent ausgedrawwa henn.

⁴⁸No sinn awl di greeks-hauptmennah zumm Mosi kumma—dee es ivvah dausends un ivvah hunnahts voahra—

⁴⁹un henn ksawt zu eem, “Dei gnechta henn awl di greeks-gnechta gezayld es unnich uns voahra, un si sinn awl do.

⁵⁰Miah henn en opfah zumm HAH gebrocht fumm goldich sach es miah gnumma henn, eahm-kedda, eahm-banda, fingah-rings, oahra-rings un hals-kedda. Dess is fa uns rein macha fannich em HAH.”

⁵¹Da Mosi un da preeshtah Eleasar henn awl's goldich sach gnumma, dess voah alli sadda hand-gmacht sach.

⁵²Awl's gold funn di hauptmennah ivvah dausends un hunnahts es da Mosi un da preeshtah Eleasar zumm HAH gevva henn, hott fiah hunnaht un zvansich pund gvohwa.

⁵³Yaydah greeks-gnecht hott sach gnumma katt fa sich selvaht.

⁵⁴Da Mosi un da preeshtah Eleasar henn's sach gnumma funn di hauptmennah ivvah dausends un hunnahts, un henn's in da fasamling-tent gebrocht fa en ohdenkes funn di Kinnah-Israel zumm HAH.