Read Pennsylvania German Joshua 15 Bible Online

Joshua 15 - Pennsylvania German bible

Joshua 15

¹Nau's land es gevva voah zu di kinnah fumm Juda kshlecht bei kshlecht, hott gans nunnah glangd an di lein mitt Edom, drunna in di Vildahnis funn Zin in di saut.

²Di lein funn iahra land in di saut hott kshteaht an di zung fumm land am saut end fumm Sals Say.

³No is si on nuff ganga un sauda fumm deich funn Akrabbim zu di Vildahnis funn Zin. No is si nivvah ganga sauda funn di shtatt, Kades-Barnea. Funn datt is si an di shtatt Hezron fabei ganga nuff an Adar un is no gedrayt noch Karkaa.

⁴Iahra land is no on nivvah zu di shtatt Azmon ganga, un is no an di grikk nohch ganga zvishich Egypta un Juda biss nivvah an da say. Sell voah di saut lein fumm land Juda.

⁵Di lein uf di east seit voah da Sals Say nuff biss vo da Jordan Revvah in da say lawft. Di lein in di natt hott kshteaht vo da Jordan Revvah in da Sals Say lawft.

⁶No is di lein an Beth-Hogla fabei ganga on nadda zu Beth-Araba, un funn datt an da Shtay funn Bohan. Da Bohan voah em Ruben sei boo.

⁷Di lein in di natt is fumm deich funn Achor ganga zu Debir un is nadda gedrayt zu Gilgal. Gilgal is nayksht am vayk es deich di hivla funn Adummim gayt uf di saut seit fumm deich. Di lein is no on an di vassahra funn En-Semes nohch ganga un hott kshtobt an En-Rogel.

⁸No is si deich's deich funn Ben-Hinnom ganga uf di saut seit funn di Jebusiddah shtatt. (Sell is Jerusalem). Funn datt is di lein nuff ivvah da hivvel ganga west fumm deich funn Hinnom am natt end fumm deich funn Rephaim.

⁹Funn ovva uf em hivvel is si zu di vassah-shpring funn Nephtoah ganga, is raus kumma an di shtett fumm Berg Ephron un is no on nunnah geyyich Baala ganga. (Baala is aw Kiriath-Jearim kaysa).

¹⁰No funn Baala is si west ganga zumm Berg Seir, un is uf di natt seit fumm Berg Jearim, nohch ganga. (Jearim is aw Chesalon kaysa). Si is no on nunnah zu Beth-Semes un deich Thimna ganga.

¹¹Di lein is no uf di natt seit funn Ekron ganga. Funn datt is si noch Sichron gedrayt un is am Berg Baala fabei ganga on zu Jabneel un hott kshtobt am say.

¹²Di lein uf di west seit voah da Grohs Say un is datt nohch ganga. Dess sinn di leins um di kinnah funn Juda rumm mitt iahra kshlechtah.

¹³Da Joshua hott em Kaleb, da sohn fumm Jephunnes, en dayl fumm land Juda gevva so vi da HAH gebodda gevva katt hott. Eah hott eem di shtatt funn Arba gevva es aw Hebron hayst. Da Arba voah da faddah fumm Anak.

¹⁴Da Kaleb hott drei Anak families aus di shtatt funn Hebron gyawkt. Dee families voahra da Sesai, da Ahiman un da Thalmai. Si voahra em Anak sei nohch-kummashaft.

¹⁵No is eah nuff ganga un hott kfochta geyyich di leit funn Debir. Da nohma funn Debir voah als Kiriath-Sepher.

¹⁶Da Kaleb hott no ksawt, “Sellah es Kiriath-Sepher fecht un's ivvah-nemd, zu eem gevvich mei dochtah Achsa fa see heiyahra.”

¹⁷Da Othniel, em Kenas sei boo, hott di shtatt kfochta un hott si ivvah-gnumma. Da Kenas voah em Kaleb sei broodah. No hott da Kaleb sei dochtah Achsa zumm Othniel gevva fa see heiyahra.

¹⁸Un vo see zu eem kumma is hott see een nei kshvetzt fa iahra daett frohwa fa en feld. Vo see ab funn iahra aysel kumma is, hott da Kaleb see kfrohkt, “Vass soll ich du fa dich?”

¹⁹See hott ksawt, “Gebb miah en sayya. Du hosht miah land gevva in di saut. Gebb miah aw land mitt vassah-shpringa druff.” So hott da Kaleb iahra di evvahsht un di unnahsht shpringa gevva.

²⁰Dess is es land es di shtamm fumm Juda geahbt hott kshlecht bei kshlecht:

²¹Di shtett am saut end funn land funn Juda un sei nohch-kummashaft geyyich di lein mitt di Edomiddah voahra: Kabzeel, Eder, Jagur,

²²Kina, Dimona, Ad-Ada,

²³Kedes, Hazor, Ithnan,

²⁴Siph, Telem, Bealoth,

²⁵Hazor-Hadatta, Karioth-Hezron (sell is Hazor),

²⁶Aman, Sema, Molada,

²⁷Hazor-Gadda, Hesmon, Beth-Pelet,

²⁸Hazar-Sual, Beer-Seba, Bisiothia,

²⁹Baala, Ijim, Ezem,

³⁰Eltholad, Chesit, Horma,

³¹Ziklag, Madmanna, Sansanna,

³²Lebaoth, Silhim, Ain, Rimmon. Sell sinn nein un zvansich shtett un di glenna shtetlen um si rumm.

³³Di shtett es niddahra gleyya henn unna an di hivla nohch voahra: Esthaol, Zora, Asna,

³⁴Sanoah, En-Gannin, Thappuah, Enam,

³⁵Jarmuth, Adullam, Socho, Aseka,

³⁶Saaraim, Adithaim, Gedera, Gedero-Thaim. Sell sinn fatzay shtett mitt di glenna shtetlen um si rumm.

³⁷Zenan, Hadafa, Migdal-Gad.

³⁸Dilean, Mizpe, Joktheel,

³⁹Lachis, Bozkath, Eglon,

⁴⁰Chabbon, Lahmas, Kithlis,

⁴¹Gederoth, Beth-Dagon, Naema, Makkeda. Sell sinn sechtzay shtett mitt iahra glenni shtetlen um si rumm.

⁴²Libna, Ether, Asan,

⁴³Jephthah, Asna, Nezib,

⁴⁴Kegila, Achsib, Maresa. Sell sinn Nein shtett mitt di glenna shtetlen um si rumm.

⁴⁵Ekron mitt iahra shtett un shtetlen um si rumm.

⁴⁶West funn Ekron biss an da say, in di nochbahshaft funn Asdod un di glenna shtetlen um Asdod rumm.

⁴⁷Asdod mitt iahra shtett un di shtetlen datt rumm; Gaza mitt iahra shtett un di shtetlen datt rumm so veit es di grikk funn Egypta un am Grohsa Say nohch.

⁴⁸Drovva in di hivla voahra: Samir. Kattjor. Sacho,

⁴⁹Danna, Kiriath-Sanna (sell is Debir),

⁵⁰Anab, Esthemo, Anim,

⁵¹Goshen, Holon, Gilo, sell sinn elf shtett un iahra glenni shtetlen.

⁵²Arab, Duma, Esean,

⁵³Janum, Beth-Thappuah, Apheka,

⁵⁴Humta, Kiriath-Arba (sell is Hebron) un Zior. Sell sinn nein shtett mitt di glenna shtetlen um si rumm.

⁵⁵Maon, Karmel, Siph, Jutta,

⁵⁶Jesreel, Jokdeam, Sanoah,

⁵⁷Hakain, Gibea, Thimna. Sell sinn zeyya shtett mitt di shtetlen um si rumm.

⁵⁸Halhul, Beth-Zur, Gedor,

⁵⁹Maarath, Beth-Anoth, Elthekon. Sell sinn sex shtett mitt di glenna shtetlen um si rumm.

⁶⁰Kiriath-Baal (sell is Kiriath-Jearim), Harabba. Sell sinn zvay shtett mitt di glenna shtetlen um si rumm.

⁶¹In di vildahnis voahra: Beth-Araba, Middin, Sechacha,

⁶²Nibsan, di sals shtatt un Engedi. Sell sinn sex shtett mitt iahra glenni shtetlen.

⁶³Di Jebusiddah henn in di shtatt funn Jerusalem gvoond, un di kinnah funn Juda henn si nett ausdreiva kenna. Un zu deah dawk voona si datt mitt di kinnah funn Juda.