Read Phom Naga 1 ONGPATHÜ 7 Bible Online

1 ONGPATHÜ 7 - Phom Naga bible

1 ONGPATHÜ 7

¹Solomoni büpa shing ongshem hük ve, hatü hapa veyei tempü thahshi bong anpüjem yah.

²Büpai Lebanon leipü pü yah-ei ongshem hük yang kü meter 44, ba kü meter 22 hatü shaopü kü meter 13.5 shei veteke. Cedar pülu kü shoungei cedar pü yah-ei shemnyü laap ali haongteke.

³Pülu shangkü cedar püi shinshang ling; laap ieyei kü shemnyü anpünga baong cedar pülu pinyipünga kü shoungei ling.

⁴Ümha shaden kemei shaoshi jem jem dangteishi ling.

⁵Shaden kemei kü mük ali baong kohshi ling, hatü bham peü shaden laap jem baong khangteishi ling.

⁶Büpa ow shih-ei shemnyü yangkü meter 22, ba kü meter 13.5 shei ling. Hapa shemshaphi kü shemhoh hük shemnyü haongtü ve, hatü ha kü adok küpteke.

⁷Büpai shah phenhen shingvaishi Shahphenshing ong uoshing ling, hatü büpai hapa kü aangshung kübü shinshang thahshi cedar püi jümteke.

⁸Büpa nyuhen ongshemü ngaümphei lemei veiheni aihük mü veteke. Solomoni hapa shem keiha büpai yahpü Pharaoh ongpalei yiükha shing ongshem hük ve.

⁹Büpai shem shakhimong kemei kübü kahdok kübü aongei bailajung thahshi longi bhei wongpü yaong aihük mü shetei shükei lingtüktü shih.

¹⁰Chongnyiam shingeiyü yaong bhaoshingei shükei lingtükpü yaong haneiyü meter 3.5, haneiyü meter 4 shei lupü yaongthü shih.

¹¹Shangphileiyü bhei wongpü yaongthü shettü shükei lingpü, hatü cedar pü shemnyüthü shih.

¹²Phopshem mongkü hatü shemhoh kü shihpü keiha shahphenpü uoshing kü cedar pü laap hük kü shükei lingpü yaong laap jem dheanei ling.

¹³Solomon ongpai Tyre am Hiram nyükei lei,

¹⁴büpalei chennyü-ü vaümnyü hük Naphtali jat kübü nyu, hatü chepayü Tyre am melangnyiam shükbü nyuteke. Büpayü melangnyiam shükei longi lahhinei dükaokpü longi nyingpü shennyak shiüteke. Büpa Solomon ongpa touei pei, hatü büpa kü yahshuohpü dou kemei dük.

¹⁵Büpai melangnyiam shemnyü nyi shaopü kü meter 8 hatü büm kü meter 5.3 shei shükteke, hatü phopshem shadenei haong.

¹⁶Büpai shemnyü jung kü shihhen shingvaishi melangnyiam shamtü ow lingei shemnyü ju nyiphen meter 2.2 lushi ling.

¹⁷Shemnyü ju kü ow vaishi nyiamvüi hiuei shemnyü nyiphen kü nyet baong ling.

¹⁸Shemnyü shangkü shemnyü ju kü ow vaishi pomegranat betjük kei ow laap nyi ngeih-ei ling.

¹⁹Shemhohlei haongpü shemnyüthü kü shemnyü ju-ü yangkheihchü keiha meter 1.8 shaoshi ling.

²⁰Shemnyü nyiphenei shemnyü ju kü chilimji keiha ow shihpü dok kü pomegranat betjük keiha ow kho nyi ngeih-ei ngeih-ei shihteke.

²¹Hirami phopshem shemhoh kü shemnyü nyi haongteke. Apshaphi kübü shemnyü kü Jakhin hatü pehephi kübü shemnyü kü Boaz shei nyük.

²²Shemnyü ju kübü ow-ü yangkheihchü kei shiüteke. Hapa keiha shemnyüthü lingei tem.

²³Hapheikü büpai melangnyiam yungkuk hük chüpü kü meter 2.2, shinpü kü meter 4.4, büm kü meter 13.2 ling.

²⁴Hapa melangnyiam yungkuk kaong shinpü phangkü melangnyiami betjük lajei lüng nyi hapa melangnyiam yungkuk kübü dhüngei lingteke.

²⁵Hapayü mohoh chebaong anpünyi shangkü haüshi ling; mohohbaong jem heong philei, jem heshü philei, jem apsha philei, hatü jem pehe philei veishi ling; la phi kemei mong lemei meeshi ling.

²⁶Hapa chetpü kü millimeter 75 nyu, hatü hapalei kaongü pati kaong kei nyu, shak philei yangkheih chübong kei shiüteke. Hapa kü yung liter 40, 000 shüsham nyu.

²⁷Hirami shao melangnyiami la an ling; hathü peü kü yang kü meter 1.8, ba kü meter 1.8, hatü shaopü kü meter 1.3 ling.

²⁸Hathü kemei tang yeüpü kam mongkü khaaishi ling.

²⁹Hapa kü mailang, mohoh hatü cherubim shih; hapa tang yeüpülei shihpü mailang hatü mohoh nyi kü vülep kei shinei ling.

³⁰Hapa la ieyei kü melangnyiam kharila ali baong, hatü kharila shinhen deüpü nyiamshong hük ling. Shoukbaong aliphen ieyei kü shonghen melangnyiam la ling, hatü hapa shoungpü lathü kü vülep kei lingtü ow shih-ei nyu.

³¹Hapa chilimji shang lemei toilangi tang yeüei ow ling. Hapayü shang philei centimeter 45 aongei, hatü centimeter 18 la philei ling. Hapayü büm mü nevai, shejao kaong ali kohshi nyu.

³²Kharila shaopü kü centimeter 66; hathü kemei tang yeüpü phangkü nyu, hatü kharila shinhen deüpü nyiamshongü la mü khepei ling.

³³Kharila kemei koyei kharila kei nyu, hatü haleipü kharila shinhen deüpü nyiamshong, kharila kaong, lakam mongeipü shoungpü nyiam, kharila jiam kemei melangnyiami ling.

³⁴La shihpü vaungjung aliphen kü shoungpü nyiam shih; ha shoungpü nyiam kemei la mü khepei ling.

³⁵La ieyei kü sho philei nyiamphek hük centimeter 22 shaei ling; hapa kü shoungpü hatü tang yeüpü peü la mü khepei ling.

³⁶Ha kü shoungpü la hatü tang yeüpü kemei kü cherubim, mailang hatü palm püthü shing nyupü aimü ling, hatü ha kü shinei vülep kei lingteke.

³⁷Hapa keiha büpai lathü an ling, hatü kemei aihük mü shük, hatü büm hükkei, veiheni aihük mü ling.

³⁸Büpai melangnyiam yah-ei la ieyei shing chilimji an ling. Chilimji ieyei shinpü kü meter 1.8 nyu, hatü ha kü yung liter 800 baong shüteke.

³⁹Büpai hapa lathü phopshem pehe philei nga tuh, hatü nga apsha philei tuh; büpai ha melangnyiam yungkukü pehe-heong lemei tuh.

⁴⁰Hirami dük, nyüphokshung, chilimjithü ling. Hanangkü SHEMBÜPAlei shemei tuhhen Solomon shingvaishi hathü dou kemei dükei kem.

⁴¹Shemnyü nyi ju kü shangphilei chilimji kei nyi ling, hatü ha kü nyiamvü kü lepei lingtü ow shenteke.

⁴²Hapa shemnyü ju leipü chilimji keipü kü shinei pomegranat betjük kho ali ling; kho hük baong shihtü lüng nyi baong ling,

⁴³la an kü chilimji an shih;

⁴⁴melangnyiam yungkuk kü ha phangei mohohbaong anpünyi shih-ei ling.

⁴⁵Hirami SHEMBÜPAlei shemei noteihen Solomon ongpa kü lingpü dük, nyüphokshung hatü chilimjithü kemei jintükpü melangnyiami ling.

⁴⁶Ongpai hathü kemei Jordan Kahji Sukkoth hatü Zarethan nyi aa kü shükteke.

⁴⁷Solomoni hathü kemei nedoki tuhphong; mehenangkü longi nyupü nangkü melangnyiam meshük nyu, ha nenying.

⁴⁸Hanangkü Solomoni shao SHEMBÜPAlei shemei noteihen hon yah-ei dükhi-ümthü peü ling: hon moidü, daülangpü aan haühen hon haüdü,

⁴⁹hon awshong, nga pehe philei, nga apsha philei Longi Daülangpü Shingei shesha philei tuh; chüthü, awdükthü, hon ajap;

⁵⁰patithü, aw medteipü nyiam, chilimjithü, ayingshü jakteipü shongthü, hon awjakshungthü, Longi Daülangpü Shing kübü shaküp kü shihpü kapja hatü phopshem chingshe lemeipü shaküp kübü kapja kemei honi lingteke.

⁵¹Mechem Solomon ongpai hathü phopshem leipü douthü kemei lingei tempa büpai chepa Davidi dou tuhhen shingvaishi SHEMBÜPAlei men kü daüei tuhpü dungthülei hon, ngin hatü lebü douthü peü tuh.