Read Phom Naga 1 SHÜPPÜKENGPÜ 24 Bible Online

1 SHÜPPÜKENGPÜ 24 - Phom Naga bible

1 SHÜPPÜKENGPÜ 24

¹Hathüyü Aaronei hapeüthü khong khong hanteipü: Aaronei hapeüthü: Nadab, Abihu, Eleazar hatü Ithamar.

²Shejao Nadab hi Abihu nyiyü chepa mangdi-i didai; hanangkü jijilei hapeü nenyu; hanangkü Eleazar hi Ithamar nyi ngongdou dükei nyu.

³Eleazarlei hüpeü Zadok hatü Ithamarlei hüpeü Ahimelekh nyi-i sheüh-ei Davidi chongphohen shingvaishi khong khong hanteke.

⁴Ithamarlei hühihathü leimeyü Eleazarlei hühihathü khong kübü mübü nyeishi nyu. Hanangkü Eleazarlei hühihathü shemdep anpüvok thahshi han, hatü Ithamarlei hühihathü shemdep shet thahshi hanteke.

⁵Jomphongü ajükao baong hanpü neshiüi phong kü hetpü aimü han; mehenangkü jomphong khongkü phopshem leipü lakchongbüthü hatü laangha kü mübüthü Eleazar hatü Ithamar nyilei hühihathü khong kü nyuteke.

⁶Levi am Nethanelei cheha Shemaiah nyangbüi hathülei men nyang. Ongpa, büpalei lakchongbüthü, ngongpa Zadok, Abiatharlei cheha Ahimelekh, hatü ngongpathü hatü Levi am shemdepthü kübü shangjingthü peüi denpü nyuteke. Eleazar hatü Ithamar nyilei hühihathüi jeiteiyei phongyomei jeteke.

⁷Shongpüba phong Jehoiarib kü het, nyipabü kü Jedaiah,

⁸jempabü kü Harim, alipabü kü Seorim,

⁹ngapabü kü Malkijah, vokpabü kü Mijamin

¹⁰nyetpabü kü Hakkoz, shetpabü kü Abijah,

¹¹shüpabü kü Jeshua, anpabü kü Shekaniah,

¹²anpühükpabü kü Eliashib, anpünyipabü kü Jakim,

¹³anpüjempabü kü Huppah, anpüalipabü kü Jeshebeab,

¹⁴anpüngapabü kü Bilgah, anpüvokpabü kü Immer,

¹⁵anpünyetpabü kü Hezir, anpüshetpabü kü Happizzez

¹⁶anpüshüpabü kü Pethahiah, kukhapabü kü Jehezkel,

¹⁷hapühükpabü kü Jakhin, hapünyipabü kü Gamul,

¹⁸hapüjempabü kü Delaiah, hapüalipabü kü Maaziah.

¹⁹Hapayü SHEMBÜPA, Israel Kahvangi jomei chebü Aaron kü shuohpü shahkung aimü jomi phopshemei shüshingkü chongphohen nangkü jepüthü nyuteke.

²⁰Levilei lebü hühihathü hapakei: Amramei hapeüthü khong kübü: Shubael; Shubaelei hapeüthü khong kübü: Jehdeiah.

²¹Rehabiah am: Rehabiahlei hapeüthü khong kübü: Isshiah-ü shongpü nyuteke.

²²Izhar am kübü: Shelomoth; Shelomothlei hapeüthü khong kübü: Jahath.

²³Hebronei hapeüthü: Shongpüba Jeriah, nyipabü Amariah, jempabü Jahaziel hatü alipabü kü Jekameam.

²⁴Uzzielei hapeü: Mikah; Mikahlei hapeüthü khong kübü: Shamir.

²⁵Mikahlei chenaü: Isshiah; Isshiahlei hapeüthü khong kübü: Zekhariah.

²⁶Merarilei hapeüthü: Mahli hatü Mushi. Jaaziahlei hapeü: Beno.

²⁷Merarilei hapeüthü: Jaaziah kübü: Beno, Shoham, Zakkur, hatü Ibri.

²⁸Mahli kübü: Eleazarlei hapeü nenyu.

²⁹Kish kübü: Kishlei hapeü: Jerahmeel.

³⁰Mushilei hapeüthü: Mahli, Eder hatü Jerimoth. Hathüyü Levi am jom shemdep aimü nyangpü nyüke.

³¹Jomiyao chejei Aaronei hühihathüi dükpü keiha David ongpa, Zadok, Ahimelekh hatü ngongpathü hatü Levi am omshi phongyomei dükteke. Jeiyongpalei hühihathü kü dükpükei dükteke.