Read Phom Naga 1 SHÜPPÜKENGPÜ 26 Bible Online

1 SHÜPPÜKENGPÜ 26 - Phom Naga bible

1 SHÜPPÜKENGPÜ 26

¹Phopshem yompüthü khong hanpü: Korah am phang kübü: Korelei cheha Meshelemiah, Asaph am shemdep kübü.

²Meshelemiahlei hapeüthü: Hashongpa Zekhariah, nyipabü Jediael, jempabü Zebadiah, alipabü Jathniel,

³ngapabü Elam, vokpabü Jehohanan, hatü nyetpabü Eliehoenai.

⁴Obed-Edomei hapeüthü: Hashongpa Shemaiah, nyipabü Jehozabad, jempabü Joah, alipabü Sakhar, ngapabü Nethanel,

⁵vokpabü Ammiel, nyetpabü Issakhar, hatü shetpabü Peullethai. Kahvangi büpa kü hapeü shet moihimanteke.

⁶Obed-Edomei hashongpa Shemaiahlei hapeüthü jom vok nyu. Jomphongü chepalei shemdep kü mübüthü nyu; mehenangkü jomphongü dou longi aokpüthü nyuteke.

⁷Shemaiahlei hapeüthü: Othni, Rephael, Obed, Elzabad, Elihu, hatü Semakiah. Jom peü dou dükhen aokpüthü nyuteke.

⁸Hathü peü Obed-Edomei hühihathü nyu; jom hatü jomei jeihinaüthü peü dou dükhen wong kohpü shennyakthü nyuteke. Obed-Edomei hühihathü jom 62 thahshi nyu.

⁹Meshelemiah am shemdep kü dou dükaokhen shennyak jom anpüshet nyu.

¹⁰Merari am Hosahlei hapeüthü: Shimri (büpayü hashongpa nevaijao chepai büpa mübü leihü).

¹¹Nyipabü Hilkiah, jempabü Tebaliah, hatü alipabü Zekhariah. Hosahlei shem am peüshep jom anpüjem nyuteke.

¹²Phopshem yompüthüyü shemdep aimü khong khong hanteke, hatü lebü jeihinaü Levi ami dükpükei jomphong kao dousho hanteke.

¹³Behe hashih ne-e-i shemdep aimü shaden yomhen phongyomei hanteke.

¹⁴Heong Shaden yomhen phongü Shelemiah kü het, hatü cheha Zekhariah, üpa düngei shahnying meipü enya, büpa kü Apsha Shaden yomhen phong hetteke.

¹⁵Obed-Edom kü Pehe Shaden yomhen phong het, hatü chehathü kü dou tuhpü shem yomhen hetteke.

¹⁶Shuppim hatü Hosah am kü Heshü Shaden hatü lem dokphi Shalleketh Shaden yomhen hetteke. Hük pheikü hük dheanei yomhen hanteke.

¹⁷Heongphi kü nyih hük kü Levi am vok, apshaphi kü jom ali, pehephi kü jom ali, hatü dou tuhpü shem kü hepak hük kü shennyak nyi yomteke.

¹⁸Heshüphi chingshe kon kü lemei shennyak ali hatü chingshe konmongei nyi shei yomteke.

¹⁹Hathüyü Korah hatü Merari nyi kübü vampü Phopshem yompüthü hanpü nyuteke.

²⁰Jomei jempü Levi am küphüyü Phopshemei dou tuhshing hatü daütükpü dou tuhshing veihen nyu.

²¹Gershonei hapeüthü khongkü Ladanü shemdep khong longi shak kü hatü büpalei cheha Jehieli omshi hathü peüei chebü nyuteke.

²²Jehieli cheha, Zetham hi chenaü Joel nyiyü Phopshemei dou tuhshing yomhen dousho hanteke.

²³Amram am Izhar, Hebron hatü Uzziel hathü kao doulem laolao hanteke.

²⁴Mosalei chehü Shebuel, Gershomei cheha kü dou tuhpü shingthü veihen hanteke.

²⁵Gershomei chenaü Eliezer homei büpayü Shelomith mü shenteipü nyu. Eliezerlei cheha, Rehabiah, Rehabiahlei cheha Jeshaiah, Jeshaiahlei cheha Joram, Joramei cheha Zikhri, hatü Zikhrilei cheha Shelomith.

²⁶Shelomith hatü jomei shem am peü kü David ongpa, shemdep kü shangjingthü, phang ieyei kübü mübüthü hatü veshan mübüthüi Kahvang kü daüei shuohtükpü douthü kü veihen dousho hanshuohteke.

²⁷Jomphongi vehok hepak kü leipü douthü hanei Phopshem linghen shingvaishi daüei shuoh.

²⁸Samuel thibü, Saul ongpa, Nerlei cheha Abner hatü Zeruiahlei cheha Joab hathüi daüei shuohpü dou peü Shelomith hatü jom shemi veihen hanteke.

²⁹Izhar am kübü: Kenaniah hatü chehathü keyü phopshem leipü dousho nevai shejao Israel am shak kü lakchongbü, hatü shahphenbüthü vaihen han.

³⁰Hebron am kübü: Hashabiah hatü jomei shem am dou aokhen shennyak jom 1, 700 keyü Israel kü Jordan heshü philei SHEMBÜPA hatü ongpalei dousho kü veihen han.

³¹Hebron am keyü jomei shemdep bülem aimü Jeriah-ü jomei mübü longpü nyu. David ong vaipü bong pinyipabü kü nyangei nyupü yemshingkü Hebron am veshan vaiaokshampü shennyak Gilead kahdok Jazerlei dangteke.

³²Jeriahlei shem am jom 2, 700 thahshi veshan vaiaokhen hatü shemdep kü shangjing vaiaokhen shennyakthü nyu, hatü David ongpai jomphongü Reuben, Gad hatü Heongphi Manasseh am shak kü Kahvang hatü ongpa chongphohen nangkü veihen dousho hanteke.