Read Phom Naga 1 SHÜPPÜKENGPÜ 27 Bible Online

1 SHÜPPÜKENGPÜ 27 - Phom Naga bible

1 SHÜPPÜKENGPÜ 27

¹Hapayü Israel am shemdep kü shangjingthü, haja kü kho hük kü veshan mübüthü, hatü lakchongbüthü bong kemei kü len ieyei veshan khong hantü ongpa chongphoei nyupü shennyakthü nyangpü nyüke. Hanpü khong ieyei kü shennyak 24, 000 baong nyuteke.

²Shongpü khong shongpüba len kü mübüyü Zabdielei cheha Jashobeam nyu. Büpalei khong kü shennyak 24, 000 nyu.

³Büpayü Perezlei hühiha, hatü shongpü len kü lakchongbüthü khongkü büpa longpüba nyu.

⁴Nyipabü khong len nyipabü kü mübüyü Ahoh am Dodai nyu. Büpalei khongkü Mikloth-ü mübü nyu. Büpalei khongkü shennyak 24, 000 nyu.

⁵Len jempabü kü jempabü veshan mübüyü Jehoiada ngongpalei cheha Benaiah nyu. Büpa longpüba vai hatü büpalei khongkü shennyak 24, 000 nyu.

⁶Hapa Benaiah-ü Hapüan khongkü wong kohpü hatü Hapüan shak kü longpü shennyak nyu. Cheha Ammizabadü büpalei khongkü mübü vaiteke.

⁷Len alipabü kü alipabü mübüyü Joabei chenaü Asahel nyu; cheha Zebadiah-i büpa kü jeiteke. Büpalei khongkü shennyak 24, 000 nyu.

⁸Len ngapabü kü ngapabü veshan mübüyü Izrah am Shamhuth nyu. Büpalei khong kü shennyak 24, 000 nyu.

⁹Len vokpabü kü vokpabü mübüyü Tekoa am Ikkeshlei cheha Ira nyu. Büpalei khongkü shennyak 24, 000 nyu.

¹⁰Len nyetpabü kü nyetpabü mübüyü Ephraim am Pelon leipü Helez nyu. Büpalei khongkü shennyak 24, 000 nyu.

¹¹Len shetpabü kü shetpabü mübüyü Zerah am Hushath leipü Sibbekai nyu. Büpalei khongkü shennyak 24, 000 nyu.

¹²Len shüpabü kü shüpabü mübüyü Benjamin am Anathoth leipü Abiezer nyu. Büpalei khongkü shennyak 24, 000 nyu.

¹³Len anpabü kü anpabü mübüyü Zerah am Netophath leipü Maharai nyu. Büpalei khongkü shennyak 24, 000 nyu.

¹⁴Len anpühükpabü kü anpühükpabü mübüyü Ephraim am Pirathon leipü Benaiah nyu. Büpalei khongkü shennyak 24, 000 nyu.

¹⁵Len anpünyipabü kü anpünyipabü mübüyü Othniel shemdep kübü Netophath am Heldai nyu. Büpalei khongkü shennyak 24, 000 nyu.

¹⁶Israel jatthü kü vanglem lempüthü: Reuben kü Zikhrilei cheha Eliezer, Simeon kü Maakahlei cheha Shephatiah,

¹⁷Levi kü Kemuelei cheha Hashabiah, Aaron kü Zadok,

¹⁸Judah kü Davidei chenaü Elihu, Issakhar kü Mikhaelei cheha Omri,

¹⁹Zebulun kü Obadiahlei cheha Ishmaiah, Naphtali kü Azrielei cheha Jerimoth,

²⁰Ephraim kü Azaziahlei cheha Hoshea, Heshüphi Manasseh kü Pedaiahlei cheha Joel.

²¹Heongphi Manasseh kü Zekhariahlei cheha Iddo, Benjamin kü Abnerlei cheha Jaasiel,

²²Dan kü Jerohamei cheha Azarel. Hathü Israel jatthü kü vanglem lempüthü nyuteke.

²³Davidi bong kukha hatü ha phang kübü shennyakthü ne-ie; mehenangkü SHEMBÜPAi Israel amü vangsho lithilen kei dahühen shei lahteke.

²⁴Zeruiahlei cheha Joabi shennyak iehen pangtü netemi tuhphong. Hapakei iepü nangkü Kahvangi hanghi shuoh, hatü hapa iepü David ongpalei büshah laitap kü shüei netuh.

²⁵Hathüyü ongpalei mop shangkü vanglem lempüthülei men nyüke: Adielei cheha Azmavethyü ongpalei dou tuhshing kü vei. Uzziahlei cheha Jonathanü kahmük kübü, chingnyüthü, chingthü hatü shangdülei nyupü mopthü kü vei.

²⁶Kelubei cheha Ezriyü kah lingpüthü kü vei.

²⁷Ramath am Shimeiyü nyalingngupai kahthü kü vei. Shiphmi am Zabdiyü yiü tuhshing kü vei.

²⁸Geder am Baal-Hananü heshüphi kahshanglalei nyupü Olive hatü bhukjük püthü kü vei. Joash-ü olive mainga tuhpü shing kü vei.

²⁹Sharon am Shitraiyü Sharonei haümpü mohohthü kü vei. Adlailei cheha Shaphat-ü kahjithü leipü mohohthü kü vei.

³⁰Ishmael am Obilü utthü kü vei. Meronoth am Jehdeiahyü gaduthü kü vei.

³¹Hagri am Jaziz-ü mithü kü vei. Hathü kemei ongpalei mophimothü kü veibüthü nyuteke.

³²Davidei cheha naü-eepa Jonathanü shahnying ebü, kon kohpü hatü lai manpü shennyak nyuteke. Hakhmonilei cheha Jehieli ongpalei hapeüthü kü veiteke.

³³Ahithophelü ongpa kü shahnying ebü nyu. Arka am Hushaiyü ongpalei küphü nyuteke.

³⁴Ahithophel kü Benaiahlei cheha Jehoiada-i jei hatü hapheikü Abiathari jeiteke. Joab-ü ongpalei veshanthü mübü nyuteke.