Read Phom Naga 1 SHÜPPÜKENGPÜ 4 Bible Online

1 SHÜPPÜKENGPÜ 4 - Phom Naga bible

1 SHÜPPÜKENGPÜ 4

¹Hathüyü Judahlei hühihathü: Perez, Hezron, Karmi, Hur hatü Shobal.

²Shobalei cheha Reaiahyü Jahathlei chepa, hatü Jahath-ü Ahumai hatü Lahad nyilei chepa nyu. Hathüyü Zorath am phangthü nyuteke.

³Hathüyü Etamei hapeüthü: Jezreel, Ishma, hatü Idbash. Jomei chenaü kü Hazzelelponi shei men.

⁴Penuel-ü Gedorlei chepa, hatü Ezer-ü Hushahlei chepa nyu. Hathüyü Bethlehemei chepa Ephrathahlei hashongpa Hurlei hühihathü.

⁵Tekoalei chepa Ashurlei nyüha nyi Helah hatü Naarah shei nyu.

⁶Naarah-i Ahuzzam, Hepher, Temeni hatü Haahashtari büh. Hathüyü Naarahlei hühihathü nyu.

⁷Helahlei hapeüthü: Zereth, Izhar, Ethnan,

⁸hatü Koz, büpayü Anub hatü Zobebah hatü Harumei chepa Aharhel phangthülei chepa nyuteke.

⁹Jabez-ü büpalei jeihinaüthü mü nyeinya dhüm kohpü shennyak nyu. Chenyüi büpa kü Jabez shei men; “Mehenangkü ngei longi tüngpü eeyei büpa bühpeih” shei e.

¹⁰Jabez-i Israel Kahvang kü, “Oh Kahvang, nüngi ngei kü moihimanshih hatü ngelei kahmük viong dahüshih! Nüngei laklu wong longpü ngei mü chongkei hatü ngei shanghah vongshüh peü kübü nüngi yangshih!” shei phop, hatü büpai mehe yiü, ha Kahvangi büpa kü shuoh.

¹¹Shuhahlei chejei Kalebü Mehirlei chepa nyu. Mehir-ü Eshtonei chepa nyu.

¹²Eshtonü Beth-Rapha, Paseahlei chepa, hatü Tihinnah-ü Nahashlei chepa nyu. Hathüyü Rekah am shennyakthü nyuteke.

¹³Kenazlei hapeüthü: Othniel hatü Seraiah. Ohnielei hapeüthü: Hathath hatü Meonothai.

¹⁴Meonothaiyü Ophrahlei chepa nyu. Seraiah-ü Joabei chepa, Joab-ü Ge-Harashimei chepa.

¹⁵Jephunnehlei cheha Kalebei hapeüthü: Iru, Elah hatü Naam. Elahlei hapeü: Kenaz.

¹⁶Jehallelelei hapeüthü: Ziph, Ziphah, Tiria hatü Asarel.

¹⁷Ezrahlei hapeüthü: Jether, Mered, Epher hatü Jalon. Hathüyü Pharaohlei yiükha, Meredlei nyüha Bithiah-i bühpü hapeüthü: Miriam, Shammai hatü Eshtemoalei chepa Ishbah büh,

¹⁸hatü büpalei Judea am nyüha-i Gedorlei chepa Jered, Sokolei chepa Heber, Zanoahlei chepa Jekuthiel büh.

¹⁹Hodiah-i Nahamei chenaü mü shem yem, hatü Garam amei chepa Keilah hatü Maakath amei chepa Eshtemoa büh.

²⁰Shimonei hapeüthü: Amnon, Rinnah, Ben-Hanan, hatü Tilon. Ishilei hapeüthü: Zoheth hatü Ben-zoheth.

²¹Judahlei cheha Shelahlei hapeüthü: Er-ü Lekahlei chepa. Laadah-ü Mareshahlei chepa, Mareshah amü nyemin ashak dakpü am, jomü Beth-Ashbealei nyupeih;

²²hatü Kozebalei nyupü Jokim am Joash hatü Saraph ami Moab am mü shem yemtü Lehemei nyupeih. (Hathüyü aivang den mebü nyangei tuhpü eenyüke.)

²³Jomphongü Netaim hatü Gederahlei nyupü dük shükbü am nyu; jomi halei nyuei ongpa shing dou dükteke.

²⁴Simeonei hapeüthü: Nemuel, Jamin, Jarib, Zerah hatü Shaul;

²⁵Shallumü Shaulei chepa, chehüyü Mibsam, büpalei hüshomü Mishma nyu.

²⁶Mishmalei hühihathü: chehayü Hammuel chehüyü Zakkur, büpalei hüshomü Shimei.

²⁷Shimeilei yeshang anpüvok, yiükha vok nyu, shejao büpalei jeihinaüthülei hapeüthü longi nenyupü nangkü jom phangü Judah am kei nanglak longi nenyu.

²⁸Jomü Beer-sheba, Moladah, Hazar-Shual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth-Markaboth, Hazar-Susim, Beth-Biri hatü Shaaraimlei nyu. Davidi ong vaihen chongpangpü thahshi hathüyü jomei jilathülei nyu.

³²Jomei chingthüyü Etam, Ain, Rimmon, Tokhen hatü Ashanjila nga,

³³hatü Baalah thahshi hathü jilathü kü chingthüi shontü nyu. Hathüyü jom nyupü shingthü, hatü jomi bülem kemei nyangei tuh.

³⁴Meshobab, Jamlekh, Amaziahlei cheha Joshah,

³⁵Joel, Jehu Joshibiahlei cheha, Seraiahlei chehü, Asielü hüshom,

³⁶Elioenai, Jaakobah, Jeshohaiah, Asaiah, Adiel, Jesimiel, Benaiah,

³⁷hatü Shemaiahlei cheha Shimri, Shimrilei cheha Jedaiah, Jedaiahlei cheha Allon, Allonlei cheha Shiphi, hatü Shiphilei cheha Ziza nyu.

³⁸Men nyangei nyupü shennyakthüyü jomei phangthülei mübüthü nyuteke. Jom shemdep longi da,

³⁹hatü jomi jomei mithü shing het ühshing phaümük yemei Gedor ngoishi heongphi kahji lemei dai.

⁴⁰Jomi kahcheü kohpü phaümük, shinghiphei changshi hatü nenmü chingmeivangmei kü nyupü kahdok dang. Shelei hatoueiyü Ham am shennyak nyuhamteke.

⁴¹Judah am Hezekiah ongpa hepak kü halei men nyangei nyupüthü peiyei Ham hatü Meun am ching hah, hatü jom kemei mahtükkemtü shinnyih thahshi jom halei nyüpeih. Hapheikü jomi hathülei shing kü jom uodai; mehenangkü halei jomei mithü shing het ühhen phaü changshi nyuteke.

⁴²Hatü Simeon am phang jom kho nga thahshi Pelatiah, Neariah, Rephaiah, hatü Ishilei cheha Uzziel hathüi mütü phaüshang kahmük Seir hahteke.

⁴³Jomi nemah-i nyushuohpü Amalek am kemei jütüktü jom halei nyuei daipeih.