Read Phom Naga 1 SHÜPPÜKENGPÜ 9 Bible Online

1 SHÜPPÜKENGPÜ 9 - Phom Naga bible

1 SHÜPPÜKENGPÜ 9

¹Israel am peü bülem aimü nyangei nyüke, hatü hapayü Israel am ongpathülei Laitap kü nyangei nyüpeih. Judah nanglakthüyü hingnelempü nangkü Babylon wüpküpei yah-ei daipeih.

²Laophülei jilathülei leiyei laophülei mükjüp shing kü shongei uohenü Israel am, ngongpathü, Levi am hatü phopshemei chongphopüthü nyuteke.

³Judah, Benjamin, Ephraim hatü Manasseh leipü Jerusalemei nyupeyü hathü nyuteke:

⁴Judahlei cheha Perezlei hapeüthü kübü Banilei cheha Imri, Imrilei cheha Omri, Omrilei cheha Ammihud hatü Ammihudei cheha Uthai nyu.

⁵Shilon am kübü: Hashongpa Asaiah hatü büpalei hapeüthü.

⁶Zerah am kübü: Jeuel. Judah am nanglak bhei-ie 690 nyu.

⁷Benjamin am kübü: Hassenuahlei cheha Hodaviah, Hodaviahlei cheha Meshullam, Meshullamei cheha Sallu;

⁸Ibneiahlei cheha Jehoram; Mikrilei cheha Uzzi, Uzzilei cheha Elah; hatü Ibnijahlei cheha Reuel, Reuelei cheha Shephatiah, Shephatiahlei cheha Meshullam.

⁹Benjamin jat kübü nanglak bhei-ie 956 nyu, hatü jom peü shemdep kü shangjingthü nyuteke.

¹⁰Ngongpathü: Jedaiah; Jehoiarib; Jakhin.

¹¹Hilkiahlei cheha Azariah büpayü phopshemei lakchongbü longpü nyu, hatü büpalei bühipathü hapakei: Meshullam, Zadok, Meraioth, hatü Ahitub;

¹²hatü Malkijahlei cheha Pashhur, Pashhurlei cheha Jehoram, Jehoramei cheha Adaiah, hatü Immerlei cheha Meshillemith, Meshillemithlei cheha Meshullam, Meshullamei cheha Jahzerah, Jahzerahlei cheha Adiel, Adielei cheha Maasai.

¹³Ngongpathü shemdep kü shangjingthü nanglak bhei-ie jom 1, 760 nyuteke. Jomphongü SHEMBÜPAlei shemei chongpho aokshampü shennyakthü nyu.

¹⁴Levi am kübü: Merari am Hashabiahlei cheha Azrikam, Azrikamei cheha Hasshub, Hasshubei cheha Semaiah;

¹⁵Bakbakkar, Heresh, Galal hatü Asaphei cheha Zikhri, Zekrilei cheha Mika, Mikalei cheha Mattaniah;

¹⁶Jeduthunei cheha Galal, Galalei cheha Shemaiah, Shemaiahlei cheha Obadiah; hatü Netophath amei jilathü kü nyupü Elkanahlei cheha Asa, Asalei cheha Berekhiah.

¹⁷Shaden yombüthü: Shallum, Akkub, Talmon, Ahiman, hatü chenaüthü. Shallumü jomei mübü vaipü nangkü,

¹⁸ongpalei shaden heong philei yomei nyu. Hathüyü Levi amei baümtap shaden yombüthü nyu.

¹⁹Korelei cheha Shallum, Ebiashaphei chehü, Korahlei hüshom hatü jempü Kohath am shemthüyü jomei bühipai SHEMBÜPAlei baümtap shaden yompü dousho dükpü keiha jomphongao SHEMBÜPAlei ashakshem shaden yomhen dousho kotü nyu.

²⁰Sheleiyü Eleazarlei cheha Phinehasyü shaden yombüthü kü mübü nyu, hatü SHEMBÜPA büpa mü nyu.

²¹Meshelemiahlei cheha Zekhariah-ü Ashakshem shaden yombü nyu.

²²Shaden yomhen jepüthü peüshep 212 nyu. Jomphongü jom nyupü ching aimü men nyangteke. Jom hapa shaden yompü dousho kü nyuhenü David hi Samuel thibü nyi-i hanteke.

²³Jomei bühipathü SHEMBÜPAlei shem shaden yomhen dousho kotü nyu.

²⁴Shaden yombüthüyü shing ali kü heong, heshü, apsha hatü pehe shei nyu.

²⁵Jomei jeihinaüthü ching leipü hepak hepak kü peiyei nyih nyet shingvaishi dousho kü sheühteiyei dükhamteke.

²⁶Shejao shongnyü shaden yompü Levi am jom ali keyü phopshem leipü dungthü hatü dou tuhshing yomhen dousho shuoh.

²⁷Jomphong yanüngao Kahvangei shem shinei yomei paümhamteke; mehenangkü jomü ha yomhen jiüpü nyu, hatü hapa phopshem nepjeih aphen sabi jomei lakei tuh.

²⁸Levi am haneiyü phopshemei noteipü dükhi-ümthü kü veihen dousho han. Yah-ei daishingkü hatü leishingkü jomi ietü ietü tuhhamteke.

²⁹Lebüthü keyü uoshing yaongshing, daülangpü dükhi-ümthü, atta, yiü, mainga, ayingshü hatü hetnyai kü veihen dousho han.

³⁰Shejao ngongpathü hanei keyü hetnyai vukhen dousho shuoh.

³¹Levi am Mattithiah shei menpü Korah am Shallumei hashongpa keyü moila aan oukhen dousho han.

³²Kohath am hanei keyü Sabbath nyih ieyei kü haüdülei aan temei haühen dousho han.

³³Kesho lokbüthü, Levi shemdep kü shangjingthüyü phopshem dung haneilei nyu, hatü jomphong keyü lebü dousho kü shoti shuohteke; mehenangkü nyakhingai thüngei jomei dousho nyuteke.

³⁴Hathüyü Levi am shemdep kü shangjingthü, jomei bülem aimü nyangpü nyüke, hatü jomphongü Jerusalemei nyu.

³⁵Jeieli Gibeon ching ag hatü halei nyu. Büpalei chenyühayü Maakah nyu,

³⁶hatü büpalei hashongpayü Abdon hapheikü müpü Zur, Kish, Baal, Ner, Nadab,

³⁷Gedor, Ahio, Zekhariah hatü Mikloth nyu.

³⁸Mikloth-ü Shimeamei chepa nyu. Jomphongao jomei shem am yopailei Jerusalemei nyu.

³⁹Ner-ü Kishlei chepa, Kish-ü Saulei chepa, hatü Saulü Jonathan, Malkishua, Abinadab hatü Esh-Baal hathülei chepa nyu.

⁴⁰Jonathanei hapeüthü: Merri-Baalü Mikahlei chepa nyu.

⁴¹Mikahlei hapeüthü: Pithon, Melekh, Tahrea, hatü Ahaz.

⁴²Ahaz-ü Jarahlei chepa, Jarah-ü Alemeth, Azmaveth hatü Zimri hathülei chepa, Zimriyü Mozalei chepa,

⁴³Mozayü Binealei chepa, Bineayü Rephaiahlei chepa, Rephaiah-ü Eleasahlei chepa, Eleasah-ü Azelei chepa nyu.

⁴⁴Azelei hapeüthü jom vok nyu, hatü men hapakei: Azrikam, Bokeru, Ishmael, Sheariah, Obadiah hatü Hanan. Jomphongü Azelei hapeüthü nyuteke.