Read Phom Naga 2 SHÜPPÜKENGPÜ 27 Bible Online

2 SHÜPPÜKENGPÜ 27 - Phom Naga bible

2 SHÜPPÜKENGPÜ 27

¹Jotham ong vaishingkü büpalei nyübüh bong hapünga nyu, hatü büpai Jerusalemei bong anpüvok ong vaiteke. Chenyü-ü Zadokei yiükha meni, Jerushah nyu.

²Büpaiyao chepa Uzziah keiha mehe SHEMBÜPA touei jiü, ha dük; chepai kei büpai phopshemei ayingshü jakei mang nethah; shejao nanglakthü payü mang dükei nyu.

³Jothami phopshem kü dokpa peshaden lingei lei, hatü Ophel moidoilei chingnyü bham longi ling.

⁴Büpai Judah kahshangthülei jilathü ag, hatü yinghilong nyupü shangtaothülei penyüsha hatü shangdü longi ling.

⁵Jothami Ammon ong khüei hok hatü neü. Ha bong Ammon ami büpa kü bom ngin dok 3, 400, wheat ton 1, 000, hatü barley ton 1, 000 shuoh; hapakei bong jem thahshi shuohteke.

⁶Jotham wong kohpüba lei; mehenangkü büpai SHEMBÜPA, büpalei Kahvang kü hinglem.

⁷Jotham ong vaishingkü vampü lebü douthü, vehok hokpü hatü büpai dükpü douthü peü Israel hatü Judah ongthülei Büshah Laitap kü nyangei nyüke.

⁸Jotham ong vaishingkü büpalei nyübüh bong hapünga nyu, hatü büpai Jerusalemei bong anpüvok ong vai.

⁹Büpa di hatü David chingnyülei mahng vü hatü büpa jeiyei cheha Ahaz-i ong vaiteke.