Read Phom Naga 2 SHÜPPÜKENGPÜ 4 Bible Online

2 SHÜPPÜKENGPÜ 4 - Phom Naga bible

2 SHÜPPÜKENGPÜ 4

¹Büpai melangnyiam moidü hük yang kü meter 8.8, ba kü meter 8.8 hatü shaopü kü meter 4.4 ling.

²Hapheikü büpai melangnyiami yungkuk hük chüpü kü meter 2.2, kaong hük kübü kaong hük kü 4.4, hatü shinpü kü meter 13.2 lingteke.

³Hapa melangnyiam yungkuk shak phi shinei ow lemnyi hük dok kü hük shei shihteke. Hapa ow-ü mohohbaong lajei lüng nyi hapa melangnyiam yungkuk mü nyeanei shükei lingteke.

⁴Hapa melangnyiam yungkukü mohohbaong anpünyilei dok shangkü haüshi ling, hatü mohohbaong jem apsha philei, jem pehe philei, jem heong philei hatü jem heshü philei meeshi ling. Hathülei mei kemei mong lemei meeshi ling.

⁵Hapa melangnyiam yungkuk chetpü kü millimeter 75, hapalei shaongü pati shaong keiha hatü hapa hao lemei yangkheih chübong keiha bakei ling. Hapa melangnyiam yungkuk kü yung liter haja pejem thahshi shühamteke.

⁶Büpai chilimji an ling, nga lakdah lemei, nga laknyong lemei daühenlanghen nangkü haüteke. Hathü kü jakhen moilathü paühamteke, shejao melangnyiam yungkuk keyü ngongpathüi daühenlanghen noteke.

⁷Büpai hon awdük shemshing an eshuohpü keiha ling; nga pehe lemei hatü nga apsha lemei tuh.

⁸Büpai shao haüdü an ling; nga pehe lemei hatü nga apsha lemei tuh. Büpai hon chilimji kho hük ling.

⁹Büpai ngongpathü shingvaishi mongei nyushing hük hatü chingshelei hük shei ling, hatü hapa nyushing nyi aa kübü shaden kü melangnyiami jümei ling.

¹⁰Hapa melangnyiam yungkukü phopshemei pehe heong lemei haüteke.

¹¹Büpai dükthü, nyüphokshung hatü chilimjithü ling. Hanangkü phopshemei noteihen douthü peü Hurami Solomon ongpa kü linghen shei epü kemei lingei tem.

¹²Shemnyü nyi, shemnyü nyi ju kü chilimji kei ow lingei, ha kü nyiamkhai nyi ngeihtü;

¹³shemnyü julei nyupü chilimji kü jümhen shingvaishi pomegranat betjük lüng nyi baong ngeihhen lingei pomegranat betjük kho ali ling.

¹⁴Chilimjithü la shihtü ling;

¹⁵melangnyiam yungkuk phangkü mohohbaong anpünyi;

¹⁶dük, nyüphokshung, haolak hatü hathü mü shenpü douthü ling. Huramabi-i Solomon ongpa kü SHEMBÜPAlei phopshemei noteihen lingpü douthü kemei melangnyiami mon ling.

¹⁷Ongpai hathüyü Jordan kahji Sukkoth hatü Zeredah nyi aa ashemchongei shükteke.

¹⁸Solomoni hathü dou longi lingpü nangkü melangnyiam meshük shihpa dokei neaok.

¹⁹Phopshem leipü hathü douthü kemei Solomoni ling: hon moidü, aan haühen haüdü,

²⁰epü keiha Longi Daülangpü Shingei jakhen hon awdük shemshing hatü awdük,

²¹chü ow, awdük hatü hon ajap,

²²awthuh, chilimji, ayingshü jakhen shung, awtao haokhen shung lingteke. Chingshe leipü shaden hatü Longi Daülangpü Shingei shüpü shaden kemei honi jümei ling.