Read Phom Naga 2 SHÜPPÜKENGPÜ 8 Bible Online

2 SHÜPPÜKENGPÜ 8 - Phom Naga bible

2 SHÜPPÜKENGPÜ 8

¹Solomoni bong kukha yah-ei phopshem hatü büpalei ongshem veyei tem.

²Hirami yahshuohpü chingthüao Solomoni lingei leitü halei Israel am nyuhüteke.

³Hapheikü Solomon Hamathzobalei heih-ei ha ching hahteke.

⁴Büpai jahpanei Tadmor ling, hatü hahying jaoshing jilathü Hamathlei ling.

⁵Shao büpai Dokpa Beth-horon hatü Maaipa Beth-horon ling; chingthü kü bham showei, penyüsha lingei nyiami shongei,

⁶Baalah chingnyü, Solomonei hahying tuhpü, vehok koyei khari tuhpü, vehok koyei tuhpü jilathü peü ling, hatü Jerusalem, Lebanon hatü büpai vanglem lempü kahmük peü kü büpai mehe linghü ha lingteke.

⁷Hit, Amor, Perizz, Hiv hatü Jebus am nanglak nejütüki aopüthü üam Israel nanglak nevai,

⁸jomei hühihathü hapa kahdokei Israel ami nejütüki tuhpüthü peü Solomoni nyeanei douwong dükhen tuh, hatü ha shinnyih thahshi hapakei nyüke.

⁹Shejao Israel nanglak payü Solomoni aa kei netuh; jomphongü veshan, lakchongbüthü, hatü koyei khari hatü vehok koyei kü hokpüthü kü mübüthü vaishi tuh.

¹⁰Hathüi Solomon ongpalei mübü longpüthü jom 250 nanglakthü shak kü dou kü veibüthü nyuteke.

¹¹Solomoni Pharaohlei yiükha David Chingnyü leipü büpai pinnyü shing vepü shemei müei an. Büpai, “Ngelei shembünyü Israel am David ongpalei shemei nenyuhen; mehenangkü metouei Vangpüshuwpü Pela tuh, hapa shingü daülangpü leidainyeih” shei e.

¹²Solomoni büpai vepü phopshem chingshelei SHEMBÜPAlei moidülei SHEMBÜPA kü jakpü moila shuoh.

¹³Büpai hapa jakpü moilayü Mosa Shahkungi daülangpü nyihthü, Sabbath, Lenja Mo, vangbong kü moteipü mo jem — Daw neshihpü Mo, Hahvet Mo hatü Bangtap Mo kü yüpü aimü shuohteke.

¹⁴Chepa Davidi dükpü vanglem keiha büpai ngongpathü khong hanpü aimü jomei dousho kü dükhü, hatü Levi ami kesho mühen hatü ngongpathü kü nyihjeih dükhen dousho aimü hanteke. Shao büpai shaden yombüthü jomei khong hanei nyupü aimü shaden peü yomhen Kahvang shennyak Davidi hanpükei hanteke.

¹⁵Ongpai ngongpathü hatü Levi am kü lemphü shing hatü dou tuhshing nangkü dükhen epü kübü jomphongi ajükao nebangi netuh.

¹⁶Hapa keiha phopshem chongnyiam yaong haüpü nyih kübü pangei ha meishi mangtempü thahshi Solomonei douthü peü dükei dai.

¹⁷Hapheikü Solomoni Edom yungkung Ezion-Geber hatü Elothlei heih.

¹⁸Hirami büpalei lakchongbü yungching jung nyingpü hüki müei Jahas shomteke. Jomphongi Ophirlei Solomonei chongphobüthü mü heih, hatü haleipü hon dok 15, 000 Solomon kü koei leijateke.