Read Phom Naga EZRA 10 Bible Online

EZRA 10 - Phom Naga bible

EZRA 10

¹Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

²Hahepak kü Jehielei cheha Shekaniah, Elamei hühihathü khong kü hüki Ezra kü, “Jen shonei nyupü kung am yiük yahpü homei jen Kahvang kü vaipü mangtükpeih. Hapakei vaijao shaang thahshi Israel am shing monglemhen nyüpeih.

³Hanangkü shaang jeni jenei nyüha hapeüthü peü leitükhen shei jenei Kahvang touei vangpüshuwpü hük lingshah. Hami nüngi epükei hatü Kahvangei shahkung kü nyempüthüi epükei dükhen. Kahvangei shahkung kü mongpü aimü jeni dükshah.

⁴Teü, nüngi ekütuh. Hami nüng kü sheühhen hih; hanangkü monglongtuh hatü düktuh” shei e.

⁵Hahepak kü Ezra yaong, hatü ngongpa mübüthü, Levi am hatü Israel am peüi epükei dükhen shei lah, hatü jom vangteke.

⁶Hapheikü Ezra-i Kahvangei shem kübü daiyei Eliashibei cheha Jehohananei dungei shüteke. Büpa halei nyushiyao meheyao nehahneying; mehenangkü wüpküp leipü leipüthüi hingnelempü nangkü thepei nyu.

⁷Judah hatü Jerusalem kü wüpküp leipü leipüthü peü Jerusalemei thaihen shingvaishi shahyan hük shuoh.

⁸Nyih jem mongkü üpa nepeihenshang lakchongbüthü hatü behethüi temteipü aimü büpalei mop kemei yahlanghen hatü noknyü khong kübü changtükhen shei e.

⁹Nyih jem mong kü Judah hatü Benjamin am peü Jerusalemei thai; hapayü len shü mü nyih kukhapabü nyu. Nanglak peü phopshem chingshe koshoyalei uotü shahhidou mongshang hatü vang longi keipü nangkü kheüei nyu.

¹⁰Hahepak kü Ezra ngongpa yaongei jomphong kü, “Am mang thahteke; ammi kungyiük yahpai Israel kü mang nyeinya dahüteke.

¹¹Hanangkü shaang SHEMBÜPA, ammei bühipalei Kahvang kü mang lahtuh hatü büpai mongpü düktuh. Am shonei nyupü nanglakthü hatü ammei nyühathü mü yantuh” shei e.

¹²Hahepak kü thaipü khongi ngeüwong anei, “Nüngi epü jiüphei! Nüngi epükei hami dükhen.

¹³Shejao shennyak longi hatü vang longi keinyüke; hanangkü chingshelei hapakei yaongshi nenyuaokükhih. Anyei vaishi hapa keipü shahhidou-ü nyih hük nyih nyi kü shüpeikengei ne-eaok-ü; hanangkü jen longi mang thahteke.

¹⁴Khong men kü lakchongbüthüi nyem-ekei. Hepak ittü laophü laophü nyushing leipü kungyiük yahpüthüi behethü hatü shahphenbüthü omshi nyempeikei. Hapakei dükjü mon Kahvang mongshih jen toueipü keüdaiphahen” shei e.

¹⁵Asahelei cheha Jonathan hatü Tikvahlei cheha Jahzeiah nyi mü lenei üpaiyao hapa kü khüei neyaong, hatü hapa kü Meshullam hatü Levi am Shabbethai nyi-i sheühteke.

¹⁶Hanangkü wüpküp leipü leipüthüi eteipükei dük. Ezra ngongpai phang phang kübü shangjingthü je, hatü jomei men nyangei tuh. Len anpabü shongpü nyih kü hapa shahhidou shüpeikenghen thai,

¹⁷hatü len jem mongkü kungyiük yahpü shennyak peü shüpeikengei tem.

¹⁸Ngongli kübü hathüi kungyiük yahteke: Jozadakei cheha Jeshua hatü jeihinaülei phang kü: Maaseiah, Eliezer, Jarib hatü Gedaliah.

¹⁹Jom peüi kungyiük leitükkemhen lah, hatü jom peüi jomei mi khong kübü mi chebaongha hükbaong yah-ei mang moila shuoh.

²⁰Immer phang kübü: Hanani hatü Zebadiah.

²¹Harim phang kübü: Maaseiah, Elijah, Shemaiah, Jehiel hatü Uzziah.

²²Pashhur phang kübü: Elioenai, Maaseiah, Ishmael, Nethanel, Jozabad, hatü Elasah.

²³Levi am khong kübü: Jozabad, Shimei, Kelaiah (Kelita sheiyao menteke), Pethahiah, Judah hatü Eliezer.

²⁴Kesho lokbüthü kübü: Eliashib. Phopshem yompüthü kübü: Shallum, Telem hatü Uri.

²⁵Lebü Israel am khong kübü: Paroshlei hühihathü: Ramiah, Izziah, Malkijah, Mijamin, Eleazar, Malkijah, hatü Benaiah.

²⁶Elamei hühihathü: Mattaniah, Zekhariah, Jehiel, Abdi, Jeremoth hatü Elijah.

²⁷Zattulei hühihathü: Elioenai, Eliashib, Mattaniah, Jeremoth, Zabad hatü Aziza.

²⁸Bebailei hühihathü: Jehohanan, Hananiah, Zabbai, hatü Athlai.

²⁹Banilei hühihathü: Meshullam, Mallukh, Adaiah, Jashub, Sheal hatü Jeremoth.

³⁰Pahath-Moablei hühihathü: Adna, Kelal, Benaiah, Maaseiah, Mattaniah, Bezalel, Binnui hatü Manasseh.

³¹Harimei hühihathü: Eliezer, Isshijah, Malkijah, Shemaiah, Shimeon,

³²Benjamin, Mallukh, hatü Shemariah.

³³Hashumei hühihathü: Mattenai, Mattattah, Zabad, Eliphelet, Jeremai, Manasseh, hatü Shimei.

³⁴Banilei hühihathü: Maadai, Amram, Uel,

³⁵Benaiah, Bedeiah, Keluhi,

³⁶Vaniah, Meremoth, Eliashib,

³⁷Mattaniah, Mattenai, hatü Jaasu.

³⁸Binnuilei hühihathü: Shimei,

³⁹Shelemiah, Nathan, Adaiah,

⁴⁰Maknadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah hatü Joseph.

⁴³Nebolei hühihathü: Jeiel, Mattithiah, Zabad, Zebina, Jaddai, Joel hatü Benaiah.

⁴⁴Hathü kemei kungyiük yah, hatü jomphongi ha nyühathü hapeüthü mü leishihteke.