Read Phom Naga ESTHER 8 Bible Online

ESTHER 8 - Phom Naga bible

ESTHER 8

¹Ha nyih-üng Xerxes ongpai Esther onglanyü kü Jehoda amei vepa Hamanei mophimo peü shuoh. Esther-i ongpa kü Mordekaiyü pinnyülei shem am hih shei eshuoh, hatü hapheikü mon ongpa touei Mordekai peihen hanteke.

²Ongpai Haman leipü yah-ei leilangpü anguti yah-ei Mordekai kü shuoh, hatü Esther-i büpa kü Hamanei mophimo shang kü shembü vaihü.

³Hapheikü Esther-i shao ongpa touei doei shatü thepei e. Jehoda am khüei Agag am Hamani lingpü nemeipü küpjan dohtükshih shei pinnyüi khüm.

⁴Hahepak kü ongpai hon lenshuoh Esther touei noei an, hatü pinnyü paoei büpa touei yaong.

⁵Pinnyüi, “Ongpai ha shah kü mongmeiyei deihjema, hatü büpai ngei kü kenei deihjema, hatü ha dükhen jiüpeih shei deihjema, hatü büpai ngei kü mong hah-ei deihjema, Jehoda am peü jühen shingvaishi kahmük peü lemei Agag am Hammedathalei cheha Hamani nyangei yantükpü shahkung benei shao shah hük yantükütuh.

⁶Ngelei nanglak dipü mahpü hatü ngelei shem am jüpü kü ngei mekei etü nenaokhenang?” shei e.

⁷Xerxes ongpai Esther onglanyü hatü Jehoda am Mordekai nyi kü, “Hamani Jehoda am khüei yaongpü nangkü ngei büpalei mophimo Esther kü shuohtükpeih, hatü jomi büpa anshai pülüng shangei bakla kü bheanei jütükpeih.

⁸Shaang ongpalei men kü am kü meipü aimü Jehoda am nangkü shahkung hük nyangtuh, hatü ha kü ongpalei füoshang shingtuh; mehenangkü ongpalei men kü nyangpü lai hatü büpalei füoshang shingtükpü lai üpaiyao bentüknüng neaokpih” shei e.

⁹Jempabü Sivan len nyih hapüjempabü kü ongpalei laknyangbüthü peü nyükei thaihü. Jomphongi Mordekailei shahyan Jehoda am, vanglem lempüthü, governorthü hatü lakchongbüthü India kübü Ethiopia thahshi kahmük 127 peü touei nyangteke. Ha shahyanü kahmük peüei nyangpü vanglem aimü hatü nanglak khong ieyeilei shahlem aimü hatü Jehoda am kü jomei shah hatü nyangteipü vanglem aimü nyangei shomteke.

¹⁰Mordekai-i Xerxes ongpalei men kü nyangtü ongpalei füoshang shingtü hathü lai koei longi shülangi mokpü ongpalei koyeithü kü uotü shomteke.

¹¹Hapa shahkung lai kü chingnyü peü kü nyupü Jehoda ami laophü yanghen shingvaishi jom khongdük linghen hatü jomei nyühiha jühen üami lahhilaong noshi peihenshang jom khüei hokhen, jühen hatü jomei mophimo aetei leihen dah hük shuohteke.

¹²Xerxes ongpalei ongching kü Jehoda am kü hapa dükhen nyih-ü len anpünyipabü Adar len nyih anpüjempabü kü dükhen shuohteke.

¹³Hapa shahyanü kahmük ieyei kü shahkungnyü hük keiha yanei nanglak jat peü kü nyinghü, hatü Jehoda amao jomei vepathü kü bhüh yemhen ha nyih temei nyuhen eteke.

¹⁴Ongpalei shahkung lai kobüthüi ongpalei koyeithü kü uotü mokei dai. Hapa shahkung Susa chingnyü leiyao shuoh.

¹⁵Mordekai-i ongpa toueipü ong-ow thüngla hatü shola, hon athen longpü thentü hatü nyemin ashak mangshempü owtü dai. Hahepak kü Susa chingnyü-ü mongongmonglepai maei nyu.

¹⁶Jehoda am shingvaishi hapa hepakü mongongpü, nyiushemmei hatü aokpü dangpü hepak hük nyuteke.

¹⁷Ongpalei shahkungnyü daipü chingnyü hatü kahmük peü kü Jehoda amü moeitapei mongongmonglepü nyuteke. Jehoda am kü nyempai lebü jatthü longshishingi Jehoda am leidai.