Read Phom Naga MÜLANGPÜ 37 Bible Online

MÜLANGPÜ 37 - Phom Naga bible

MÜLANGPÜ 37

¹Bezaleli akacia pü yah-ei pela hük yangkü centimeter 110, ba kü centimeter 66, hatü shaopü kü centimeter 66 ling.

²Hapa kü büpai shakhimong kü hon yah-ei shaokteke, hatü hapa kaong shonei honi jümteke.

³Büpai ha kü hon lakdük ali ling, hatü hapalei la ali kü nyeanei hük lemei lakdük nyi, hatü hükpa lemei lakdük nyi shateke,

⁴hatü büpai akacia pü yah-ei kenh nyi ling, hatü ha kü honi jümteke.

⁵Hapa pela paihen shingvaishi pela dangpong kübü lakdük kü kenh shüteke.

⁶Büpai daülangpü honi shaküp hük yangkü centimeter 110, hatü ba kü centimeter 66 ling.

⁷Büpai kaoklaki dhüngei honi cherubim nyi shaküp jungpongei ling.

⁸Büpai jung hük philei cherub hük, hatü jung hük philei cherub hük shei shaküp kübü phaakei ling.

⁹Hapa cherubim nyi yang paanei shang lemei anpai shaküp kü ha nyilei yangi dhümteke. Hapa cherubim nyi dhe dhe khangteiyei shaküp kü thaungei veishi ling.

¹⁰Büpai akacia pü yah-ei haüdü hük, yang kü centimeter 88, ba kü centimeter 44, hatü shaopü kü centimeter 66 ling.

¹¹Büpai ha kü daülangpü honi shaok, hatü kaong shinei honi jüm.

¹²Büpai hapa shinei kharila hük ba kü millimeter 75 ling, hatü kharila shinei honi jüm.

¹³Büpai hapa shing hon lakdük ali ling, hatü kaong ali kü nyupü la ali kü shateke.

¹⁴Hapa lakdükthüyü haüdü paishingkü kenh shühen shingvaishi kharila yopailei shih.

¹⁵Büpai akacia pü yah-ei haüdü paihen shingvaishi kenh ling, hatü ha kü honi jümteke.

¹⁶Büpai hapa haüdü shangei haühen daülangpü hon yah-ei dükhi-ümthü, nükshung, pati, dük hatü yiü moila shihhen chilimji ling.

¹⁷Büpai hon mon yah-ei awshong hük ling. Hapa awshongei shaong hatü awshong bümnyü-ü kaoklaki dhüngei; hapalei patithü, chüjümlak, hatü chübonglak peü hapa büm kübü mon phaakei ling.

¹⁸Hapa awshong kübü kao vok, hük lemei jem, hükpa lemei jem shei phaakei ling.

¹⁹Awshong kübü kao vok phaakpü peü kü kao hük lemei almond chübong kei pati jem mü chüjümlak hatü chübonglak nyuteke, hatü kao hükpa lemei phaakpü kao hapakei nyuteke, hatü kao vok phaakpü kü aihük mü nyuteke,

²⁰hatü awshong kao almond chübong kei pati ali mü chüjümlak hatü chübonglak nyuteke.

²¹Chüjümlak hük baong shongpü kao nyi phangkü; nyipabü kao nyi phangkü hatü jempabü kao nyi phangkü nyuteke.

²²Chüjümlak hatü kaothü peü daülangpü honi mon awshong büm hük kübü kaoklaki dhüngei phaakei ling.

²³Büpai daülangpü hon yahei awshong ieyei shing awdük nyet mü awdük phita hatü aw jakhen nükshung hathü ling.

²⁴Büpai awshong hatü haleipü dükhiümthü peü daülangpü hon dok 35 yah-ei ling.

²⁵Büpai akacia pü yah-ei vong meipü ayingshü jakhen moidü hük ling. Hapayü ba hi yang hükkei centimeter 45 baong hatü shaopü kü centimeter 90, hatü hapalei vaungü büm hük kübü phaakei ling.

²⁶Büpai hapalei shangphi dangpong lemei shinei hatü hapalei vaung daülangpü hon mon yah-ei ling, hatü hapalei kaong shinei honi jümteke.

²⁷Büpai hapalei kaong phangkü hon lakdük nyi ling, hatü dangpongphen kü ha paihen shingvaishi kenh lühen bakshang shihteke.

²⁸Büpai akacia pü yah-ei kenh nyi honi jümei ling.

²⁹Büpai nyiohen daülangpü mainga, hatü vong meipü ayingshü vong meipü meli lingpü ami kei lingteke.