Read Phom Naga MÜLANGPÜ 38 Bible Online

MÜLANGPÜ 38 - Phom Naga bible

MÜLANGPÜ 38

¹Büpai akacia pü yah-ei jakpü moila jakhen moidü bahiyang hükkei meter 2.2, hatü shaopü kü meter 1.3 ling.

²Büpai hapa büm hük kübü phaakei vaungjung ali kü vaung ling, hatü ha kü melangnyiami jüm.

³Büpai moidü shing dükhi-ümthü — dükthü, nyüphokshung, chilimji, haolak, hatü ajap ling; haleipü dükhiümthü kemei büpai melangnyiami ling.

⁴Büpai moidü shingvaishi melangnyiami lüng hük ling, hatü hapa moidü kübü kharila phangkü lütü moidü jiam thahshi aongei lingteke.

⁵Büpai nyiamlüng vaungjung ali kü kenh lütü nohen shingvaishi melangnyiami bakshangthü ling.

⁶Büpai akacia pü yah-ei kenhthü ling, hatü ha kü melangnyiami jüm.

⁷Büpai moidü dangpong kübü bakshang kü paihen shingvaishi kenh lüteke. Hapa moidüyü taukta yah-ei sha kohshi ling.

⁸Büpai ashakshem shadenei chongphopü nyühathülei aina yah-ei melangnyiami chilimji hük melangnyiami la shihtü ling.

⁹Büpai chingshe ling: Pehephi kü haenhen shingvaishi nyemin ashak meter 44 lushi ling.

¹⁰Hapa kü melangnyiami shemnyü kukha hatü ha kü lehen melangnyiam kukha ling, shejao hapa yepei shahen hatü ha kü lehenü ngini lingteke.

¹¹Apshaphi kü haenpü ashakü meter 44 lushi ling; hapa kü melangnyiami shemnyü kukha hatü ha kü lehen melangnyiam kukha ling, shejao hapa yepei shahen hatü ha kü lehenü ngini ling.

¹²Heshüphi kü haenpü ashakü meter 22 lushi ling; hapa kü shemnyü kukha hatü ha kü lehen ngini ling, shejao hapa yepei shahen ngini lingteke.

¹³Heongphi kü shühen shaden ba kü meter 22 lingteke.

¹⁴Shadenei hük lemei haenhen ashak hükü meter 6.6, shemnyü jem hatü ha kü lehen püle jem ling;

¹⁵Shao shaden hükpa lemeiyao haenhen ashak meter 6.6, shemnyü jem hatü ha kü lehen püle jem lingteke.

¹⁶Chingshe kü shonpü ashak kemei nyemin ashaki ling.

¹⁷Shemnyü kü lehen kemei melangnyiami ling. Shemnyü kübü yepei shahen hatü ha kü khaaihen, hatü shemnyü ju kü jümhenü ngini ling, hatü chingshe leipü shemnyüthü kemei nyiamlüngi khaaiteiteke.

¹⁸Chingshe shadenei haenpü ashakü nyemin ashak thüngla owi, manghshempü hatü iyshüm kei hakpü ashaki, ha kü meishi hoiyei shihtü nyuteke. Hapayü yang kü meter 9 hatü shaopü kü meter 2 shei chingshe leipü ashak kei nyuteke.

¹⁹Ha kü shemnyü ali, hathü kü lepü aliyü melangnyiam, hathü kü yepei shahen hatü shemnyü ju kü jümpü kemei ngin nyuteke.

²⁰Ashakshem hatü chingshe shinei haongpü hanhaungü melangnyiam mon nyuteke.

²¹SHEMBÜPAlei ashakshem kü shihpü nyiamthü kengei nyangpü hapakei nyüke: Halei Shahkungnyü An nyangpü yaongshung nyi tuh-ei nyüke; hayü Mosai eshuohpü nangkü Ithamarlei cheha Aaron phangkü dou dükpü Levi ami lingpü nyüke.

²²Judah am phang kübü Hurlei cheha Uri, Urilei cheha Bezaleli Mosa homei SHEMBÜPAi eshuohpü peü ling;

²³hatü büpa mü Dan am phang kübü yaong kukei nyangaokpü, hatü lemphü lahhinei dou dükaokpü, hatü thüngla, manghshempü hatü iyshüm kei hakpü nyemin ashak kü hoiyei ow shihaokpü Ahisamakhei cheha Oholiab nyuteke.

²⁴Khümshem meishi tempü thahshi yahpü hon dok haja hük, khümshemei dokteipü dok aimü nyuteke.

²⁵Shangkuk nyupü ieyei shuohpü ngin dok 3, 430 khümshemei dokteipü dok aimü nyuteke.

²⁶Hapayü shangkuk iepü kü shüei nyupü shennyakthü peüi shuohpü sheppü, peüi yüpü aimü shuohpü kü khümshemei dokteipü dok aimü dokshingkü vangbong kukha dok kübü itshingkü peüshep shennyak 603, 550 nyuteke.

²⁷Ngin dok 3, 400 yah-ei ashakshem hatü haenpü ashak shing püle khohük lingpü kü noteke; püle ieyei kü dok 34 yahteke.

²⁸Aopü ngin dok hapüan yah-ei Bezaleli nyiamlüng hatü shemnyü shing yepei shahen lakdük hatü hapa shemnyü ju kü jümhen melangnyiam lingteke.

²⁹SHEMBÜPA kü moila shuohpü melangnyiam peüshep dok 2, 425 nyuteke.

³⁰Hapa yah-ei ashakshem shaden kü chongnyiam ling, melangnyiam moidü kü melangnyiami la shihtü hatü moidülei noteihen dükhi-ümthü,

³¹chingshe shonpü kü, hatü chingshe shaden kü chongnyiam kü hatü ashakshem shemhathü hatü chingshe shonpü kü haongpü shemhathü peü melangnyiami lingteke.