Read Phom Naga JOB 15 Bible Online

JOB 15 - Phom Naga bible

JOB 15

¹Hapheikü Teman am Eliphaz-i jangei e:

²Kon kohpü shennyaki angsha shah enyu je? nevaijü laophülei mong kü heong vanglüki maei nyunyu je?

³Yahlak neshiüpü shah-i nevaijü nanglei neshiüpü shah-i jomi shah dakteinyu je?

⁴Shejao nüngü Kahvang kü nenyemnyu, hatü büpa kü khümhen bangtüknyüke.

⁵Nüngei shah-engeüshei-i nüngei mang hunyüke, hatü nüngi ühingnakaihen jubenyeijaang jeteke.

⁶Ngelei jui nevai, nüngi laophülei jui-üng laophü nyonghünyüke; nüngei jui-üng nüng khüei ehahnyüke.

⁷Kahdoknyü kü shongei bühpü hangkuliyü nüng hih shei deihnyu je? Kahshangthü shekü nüng shong bühpü je?

⁸Kahvangei shahtap kü nüngi bangphei je? Hangkulei kihikonü nüngi mon nyingnyu je?

⁹Hami nenyingpü nüngi mekei nyingei nyüpa? Hami neyaoaokpü nüngi mehe yaoei nyüpa?

¹⁰Shosho pungdaipü hatü viüpathü, ampa mao behethü ham philei nyüpeih.

¹¹Kahvangi nüng nyiumeihüpü, nevaijü inyainyiami shah epü kü mongnehamang je?

¹²Nüngei mongi lümpülei mon mehekei nüng dainya, hatü mehekei nüngi mongshih-ei veinya?

¹³Nüngü Kahvang khüei yaongteke, hatü nüngei jubenyeijaangi büpa yaktükteke.

¹⁴Hingmei shennyak daülangi leiaokhen je? Nevaijü nyüi paipü moi daülangi nyuaokhen je?

¹⁵Kahvangi vangsho phongshanthü kü dangkaomongnehahnyih, hatü vangshothüao büpa touei daülangi nenyu;

¹⁶Shejema mekei etü hajük maanpü shennyak ten hatü mangi madaipü, yung keiha mang yingpü shennyak daülangi nyuaokhen?

¹⁷Ngei epü kü banghümao, ngei nüng kü ephüshah; Ngei mehe eetepa ha nüng kü ephüshah;

¹⁸Kon kohpü shennyakthüi mepa jomei bühipathü leipü danpa ha nejo-i enyüke;

¹⁹Kahdokü jom kü mon shuoh, hatü halei jom lemnyong kü mülanghen mü yenthüng nepeih.

²⁰Shennyakteni laophülei den kemei hanghinyeih, hatü phahji neshiüpü ami vangbong kemei laophü shing yopü shanghah pongnyeih.

²¹Nyempühanpü ngeüi büpalei dhaong mahen; yangei nyüpeih shei deihshingkü gühpathülei lak kü büpa mahtükhen.

²²Büpa vangnyak kübü yanghen monglemshing neshiü; büpayü mih-ei yani mahhen damtüktü nyüke.

²³Büpayü asha alang phai vaihen longteinyüke. Vangnyak nyih yopailei peikünyüke shei büpai nyingei nyüke.

²⁴Shanghah hatü mongtoki büpa nyemhünyüke; wong kohpü ongpai büpa mahhen danpükei, hathüi büpa danei nyüke;

²⁵mehenangkü büpalei lak Kahvang khüei nonyüke, hatü Jeiyongpa khüei büpai venlenyüke,

²⁶chetlüpü, wong kohpü Ii notü büpai Kahvang khüei venlenyüke;

²⁷mehenangkü büpalei dhe hatü büm kü cheü hetshi shemmei leilangmao,

²⁸büpayü mih-i hahtükpü chingkong, hatü üpayao nenyupü vepathüi bentükhen shemthü kü nyuhen.

²⁹Büpa hajük kü shemmei neleihen, hatü büpalei mop sheneimenei nenyuhen; nevaijü büpalei mop kahdok kü daeisheyei nedaihen.

³⁰Büpa vangnyak kübü neyanghen, awlomi büpalei nien kaotükhen, hatü büpalei bong vanglüki kaongtükhen.

³¹Angsha kü hinglemei büpa nyingi telutelemhah, mehenangkü büpai hapa leipü meheyao nyokei nedanghen.

³²Büpalei hepak mangngoi-i den mü ngaükdaihen, hatü büpalei kaothü nephaaknewonghen.

³³Büpayü mangshümpü nyalingngupai betjük li shüngei vaümtükpükei nyuhen, hatü büpayü olive pübong kaongdaipükei nyuhen.

³⁴Mehenangkü Kahvang nenyingpüthüyü nyülan palan kei nyuhen, hatü yawhdou kü kenpüthülei ashakshemü awi shamtükhen.

³⁵Jomü shanghah-i büm nekongi leinyüke, hatü mang bühnyüke; hatü jomei mongei lueilemhen temnyüke.